रायपर, 25 अगस्त 2024। मुख्यमंत्री श्री विष्णु देव साय के मन मुताबिक प्रदेश के विशेष पिछड़ी जनजाति समुदाय के मनखे मन ल मुख्यधारा ले जोड़े अउ ओ मन ल बेहतर मूलभूत सुविधा मुहैया कराए खातिर शासन-प्रशासन सरलग उदीम करत हे। ए मन ल पीएम जनमन योजना के तहत बेहतर स्वास्थ्य सेवा मिलत हे। राज्य के विशेष रूप ले कमजोर जनजातीय समूह मन (पीवीटीजी) के बस्ति मन अऊ पीवीटीजी परिवार तक योजना मन ल पहुंचाए के उद्देश्य ले योजना संचालित करे जात हे। जेखर सुखद अऊ सकारात्मक परिणाम मिलत हे।
एखर संगेच समुदाय के मनखे मन ल स्वास्थ्य, शिक्षा अऊ सफाई के प्रति जागरूक ल करे जात हे। इही कड़ी म जशपुर जिला के मनोरा तहसील अंतर्गत ग्राम पंचायत पंडरसीली बसाहट किंदरा पाठ म पहाड़ी कोरवा समुदाय के मनखे मन के संग बैठक करके चर्चा करे गीस। सोनक्यारी के शिक्षक श्री कुलवंत ह समुदाय के मनखे मन के संग बैठक करके चर्चा करत सबो ल स्वास्थ्य, शिक्षा अऊ सफाई के प्रति जागरूक करे गीस। संगेच पीएम जनमन योजना के तहत मिलइया योजना मन के जानकारी देहे गीस। जिला म ये सिलसिला लगातार जारी हे विशेष पिछड़ी जनजाति समुदाय के मनखे मन ल जागरूक करे के संग योजना ले लाभन्वित करे जात हे।
