रायपुर, 06 जून 2020। छत्तीसगढ़ म कोरोना ल लेके हालात बेकाबू होवत जावत हे. जिहां रोज प्रदेश भर ले जादा मात्रा म संक्रमित मरीज मिलत हे. वहीं काली 5 जून के एम्स म कोरोना ले जंग लड़त 19 साल के युवती के आखिरकार मउत होगे. जगदलपुर के रहईया युवती ह शुक्रवार के रात 9:45 बजे एम्स रायपुर म अंतिम सांस लिन. एम्स ह ट्वीट कर एखर जानकारी दीस हे. छत्तीसगढ़ म कोरोना ले ये अधिकारिक तौर म तीसरा मउत हे. युवती के जगदलपुर म तबियत खराब होय के बाद वो अपन इलाज रायपुर के एक निजी अस्पताल म करावत रहिस. फेर 1 जून के कोरोना पॉजिटिव मिले के बाद ओला एम्स म भर्ती करे गे रहिस. एम्स म वो पिछला कुछ दिन ले वेंटिलेटर म रहिस. जानकारी के अनुसार मृतका ब्लड कैंसर के बीमारी ले घलो जूझत रहिस.
A 19 years old female patient was shifted to AIIMS Raipur, on 1st June from RKCH after being found positive for Noval Corona Virus. She had Leukemia. Despite all the effort her condition started to deteriorate and sadly she succumbed to her illness on 05.06.2020 at 9.45 pm.
— AIIMS, Raipur, CG😷 (@aiims_rpr) June 6, 2020