प्रधानमंत्री आवास योजना ले बने अवास म आही चैन के नींद

मकान के सुभारंभ अवसर म मुख्यमंत्री ल आमंत्रित करना चाहत हे श्रीमती झूना बाई
धमतरी, धमतरी जिला के विकासखंड नगरी के ग्राम छुही म अपन पति दशरूराम के संग कई बछर ले रहत श्रीमती झूना यादव के परिवार के स्थिति सामान्य नई रहिस हे। एक कोती रोजी-रोटी के चिंता रहिस, य दूसर कोती पानी बरसा म कइच्चा मकान ले पानी चुहे के समस्या ह दम्पत्ति के नींद उड़ा दिए रहिस हे। जीवन म कतको कठिनाई के बेरा ले गुजरत हुए रोजी-मजदूरी कर अपन जीवन यापन करत रहिस हे। स परिवार ले नाम सामाजिक आर्थिक जाति जनगणना के सूची म दर्ज करे गइस अउ वरीयता के अधार म प्रधानमंत्री अवास योजना के तहत पात्र सूची म दर्ज कर अनुदान प्रदान करे गइस। पहिली किश्त के तौर म 25 हजार रूपिया के अनुदान मिले के बाद झूना अउ ओकर पति बुधराम ह मेहनत के संग 3 कुरिया ले पक्का अवास बनाए के सपना पूरा करे ले बुता सुरू करिस। मकान के प्रगति के आधार म ओमन ल पहिली अउ दूसर किश्त के राशि के तहत कुल 65 हजार रूपिया के अनुदान राशि प्रदान करे गईस।
                        प्रधानमंत्री आवास योजना के तहत अनुदान के राशि के किफायत ले उपयोग करत हुए ए दंपत्ति ह अपन मेहनत ले कमई घलो मकान के निर्माण म लगाईस। श्रीमती झूना बाई ह बताइस कि ओकर परिवार महात्मा गांधी राष्ट्रीय ग्रामीण रोजगार गारंटी योजना के तहत अकुशल श्रम ह पंजीकृत हे अउ एकर से ही उमन के जीवन म अतिरिक्त आय प्राप्त होथे। ओमन ह जेन पईसा बचा के जोरे रहिस हे ओला अपन पक्का मकान ल अउ सुंदर बनाए म लगात हे। अब थोकन दिन म दूनों में पति पत्नी पक्का आवास म अराम अउ सुकुन से अपन जीवन जी सकही। ए मदद ब उमन ह राज्य शासन अउ प्रशासन ल आभार अउ धन्यवाद देत हे। श्रीमती झूना बाई कहत रहीस हे, कि जब उमन के मकान पूरा बन के तियार हो जाही, त ओ ह प्रदेश के मुख्यमंत्री श्री भूपेश बघेल ल मकान ले सुभारंभ करे ले नेवता देना चाहत हे।
Success Stories
Neha Rathore