प्रधानमंत्री सुरुज घर मुफ्त बिजली योजना ले महिला उपभोक्ता बनत हें ‘ऊर्जा दाता’

श्रीमती वीणा त्रिपाठी ह लगाइस 3 किलोवाट के सोलर रूफटॉप, केंद्र अऊ राज्य सरकार के डबल सब्सिडी ले मिलीस लाभ
बेमेतरा, प्रधानमंत्री सुरुज घर मुफ्त बिजली योजना ह आम नागरिक मन के जीवन म बड़का बदलाव लाए हे। ये योजना अब महिला मन ल घलोक ऊर्जा आत्मनिर्भरता के दिशा म सशक्त बनावत हे। बेमेतरा शहर के बस स्टैंड क्षेत्र के रहवइया श्रीमती वीणा त्रिपाठी ह अपन घर के छत म 3 किलोवाट क्षमता के सोलर रूफटॉप प्लांट स्थापित करके बिजली बिल म राहत पाए हे, संगेच अब ओ मन खुद ‘ऊर्जा दाता’ बन गए हें। सिरिफ एक महिना म वोखर सोलर प्लांट ह 300 यूनिट ले जादा बिजली के उत्पादन करे हे। वो ह बताइस के अकतहा बिजली ल ग्रिड म भेजे ले ओ ल आय के घलोक लाभ मिलही। श्रीमती त्रिपाठी ह मुस्कात कहिस के “अब हर महिना बिजली बिल के चिंता खतम हो गए हे, बल्कि सौर ऊर्जा ले होवइया आमदनी परिवार के बचत म सहायक हे।”