प्रिटिंग के काम कर अपन जीवन म रंग भरत हे समूह के महिला मन

रायगढ़, 22 जुलाई 2020। इच्छा शक्ति अऊ कुछ करे के जुनून होथे त इंसान कोनो भी काम कर सकत हे। रायगढ़ जिला के सारंगढ़ विकासखण्ड के गोड़म गांव म संचालित सारिका प्रिटिंग प्रेस एकरे एक बानगी पेश करत हे। इंखर खास बात हे के ये प्रिटिंग प्रेस ल बिहान ले जुड़े सुरभि स्व-सहायता समूह के महिला मन संचालित करत हें। प्रिंटिग प्रेस के काम आम तौर मं पुरूष के क्षेत्र के रूप म जाने जाथे, फेर ये प्रिंटिंग प्रेस म जम्‍मो काम महिला मन सम्हालत हें। इहां डिजाईनिंग ले लेके प्रिटिंग तक के जम्‍मो काम महिला मन ही करत हें। इहां बिल बुक, पाम्पलेट, आईडी अऊ विजिटिंग कार्ड, प्रोडक्ट स्टीकर, ब्रोशर, इनडोर अऊ आउटडोर एडवरटायजिंग तियार करे जाथे।