- टीकाकरण बर मनखे मन ल जागरूक करे के जरूरत – डॉ. प्रेमसाय सिंह टेकाम
- आदिवासी अंचल मन म बने सहिन टीकाकरण बर जगदलपुर म होइस राज्य स्तरीय कार्यशाला
लोक स्वास्थ्य अऊ परिवार कल्याण अऊ पंचायत अऊ ग्रामीण विकास मंत्री श्री टी.एस. सिंहदेव ह कहिन हे कि बस्तर अंचल म शत-प्रतिशत टीकाकरण के लक्ष्य ल इही साल हासिल करे जाही। उमन कहिन कि हमार स्वास्थ्य कार्यकर्ता मन अऊ हजारों मितानिन मन के हौसला के बल म हम ये लक्ष्य ल हासिल करबोन। श्री सिंहदेव आज जगदलपुर के कृषि महाविद्यालय स्थित प्रेक्षागृह म ’आदिवासी अंचलों म टीकाकरण के सुदृढ़ीकरण हेतु’ आयोजित एक दिवसीय राज्य स्तरीय कार्यशाला ल सम्बोधित करत रहिन। कार्यशाला म बस्तर क्षेत्र आदिवासी विकास प्राधिकरण के अध्यक्ष अऊ विधायक बस्तर श्री लखेश्वर बघेल, सांसद बस्तर श्री दीपक बैज, विधायक भानुप्रतापपुर श्री मनोज मंडावी अऊ महापौर श्री जतीन जायसवाल घलोक विशेष रूप ले मौजूद रहिन।