बस्तर म मिलही खिलाड़ी मन ल अंतर्राष्ट्रीय स्तर के सुविधा

जगदलपुर, मुख्यमंत्री श्री भूपेश बघेल ह आज अपन बस्तर दौरा के बेरा म जिला मुख्यालय जगदलपुर के धरमपुरा म बनत अंतर्राष्ट्रीय स्तर के क्रीड़ा परिसर के अवलोकन करिन अऊ निर्माण काम मन ल प्रगति के समीक्षा करिन। ये मौका म बस्तर कलेक्टर श्री रजत बंसल ह मुख्यमंत्री ल निर्माण काम मन के विस्तार ले जानकारी उपलब्‍ध कराइन। मुख्यमंत्री ह क्रीड़ा परिसर म निर्माणाधीन काम मन के प्रगति के जानकारी लेहे के बाद बस्तर के खेल शिक्षक मन ले घलोक मुलाकात करिन।
जानबा हे के धरमपुरा क्रीड़ा परिसर के निर्माण अंतर्राष्ट्रीय मानक के मुताबिक होवत हे। क्रीड़ा परिसर ल खिलाड़ी मन बर आधुनिक सुविधा ले सुसज्जित करे जात हे। क्रीड़ा परिसर म 400 मीटर के सिंथेटिक एथलेटिक्स ट्रेक के निर्माण अंतर्राष्ट्रीय मापदंड के आधार म होवत हे। ट्रेक के निर्माण म विश्व के सबले एडवांस मटेरियल के उपयोग होवत हे। ट्रेक म उपयोग होवइया वी मैक्स नाम के मटेरियल स्विट्जरलैंड म बने हे।