8 हजार पशुपालक म ह गोबर बेच के करिस 6.39 करोड़ के कमई
गोठान ले ग्राम स्वावलंबन के सपना होवत हे सकार
वर्मी खाद के बेचरी ले समूह के महिला मन ल 2.20 करोड़ रूपिया के होइस आमदनी
बिलासपुर, 23 मई 2023
छत्तीसगढ़ शासन के महत्वाकांक्षी गोधन न्याय योजना पशुपालक के हित म लिए गय अइसे निर्णय हे जेकर से ओमन ल वित्तीय मदद के संग संग रोजगार घलो मिलत हे अउ ओमन आर्थिक रूप ले सुदृढ़ होवत हे। ग्रामीण महिला मन ल समूह के माध्यम ले एक समय म एक ले अधिक काम करके आर्थिक मजबूती प्राप्त करे ले रस्ता गोठान ह बखूबी दिखाय हे। गोठान ले ग्राम स्वावलंबन के सपना सकार होवत हे।
जिला के किसान अउ पशुपालक अब समृद्धि के रस्ता म आघू बाढ़त हे। गोठान सुराजी ग्राम योजना अंतर्गत समृद्धि अउ खुशहाली के अधार बनत हे। अभी तक ले लगभग 8 हजार पशुपालक मन ह गोबर बेच के 6.39 करोड़ रूपिया ले जादा के कमई करे हे। शासन के महत्वाकांक्षी सुराजी ग्राम योजना के तहत जिला बिलासपुर के ग्रामीण क्षेत्र के 336 गोठान के निर्माण करे गय हे। जेमा मूलभूत सुविधा ह पेयजल, चारा, छाया इत्यादि के व्यवस्था करे गए हे । जेमा बीमार पशु के इलाज अउ टीकाकरण के काम ह समय-समय म पशुचिकित्सा विभाग कती ले करे जाथे। ए 336 गोठान मन म ले 319 गौठान म गोधन न्याय योजना के संचालन करे जाथ हे जेमा नियमित रूप ले पंजीकृत पशुपालक कती ले शासन द्वारा निर्धारित दर दो रूपिया प्रति किलोग्राम के दर ले गोबर के खरीदी करे जाथ हे। योजना प्रारंभ से अभी तक 3 लाख 21 हजार 516 क्विंटल गोबर के खरीदी करे जा चुके हे अउ गोबर खरीदी के विरूद्ध 6 करोड़ 39 लाख 76 हजार रूपिया के भुगतान लगभग 8 हजार पशुपालक मन ल करे गय हे। बिसाये गय गोबर म ले अभी तक 76 हजार 530 क्विंटल वर्मी कम्पोस्ट, 16 हजार 503 क्विंटल सुपर कम्पोस्ट, 393.40 क्विंटल सुपर कम्पोस्ट प्लस के उत्पादन करे गय हे, जेमा से 58 हजार 413 क्विंटल वर्मी कम्पोस्ट, 15 हजार 698 क्विंटल सुपर कम्पोस्ट, 46.30 क्विंटल सुपर कम्पोस्ट प्लस के बेचरी हो गए हे। उक्त खाद के बेचरी ले ग्राम गौठान समिति मन ल 3 करोड़ 50 लाख 19 रूपिया अउ स्व सहायता समूह ल 2 करोड़ 20 लाख 46 रूपिया के आमदनी होए हे।