बीजापुर, नेहा राठौर के खबर/ भैरमगढ़ नगर पंचायत के हितग्राही श्रीमती अनुसूईया ह वार्ड क्र. 04 म निवास करथे। वईसे त परिवार म पति अउ दु झन बेटा हे। पति के रोज के कमई ले घर के खरचा पानी ह बस चलथे। अब अइसने म एक ठ नवा अवास बनाए के सोचे ह तको सपना बरोबर ए। ओमन ह एक ठ छोट कन कच्चा मकान म रहत रहिन हे जेन म पानी बरसे त छत के टपके अउ इसें कई प्रकार के परसानी होवत रहीस हे। फेर ओमन ह प्रधानमंत्री आवास योजना म बीएलसी घटक म ‘‘मोर जमीन मोर मकान’’ के अन्तर्गत नवा मकान के जानकारी नगर पंचायत भैरमगढ के अधिकारि अउ प्रधानमंत्री अवास योजना के टीम डहर ले मिलिस। तेकर ले ओकर फारम(फार्म) भरवाके शासन ल प्रस्ताव भेजे गईस।
मकान के स्वीकृति मिले के गए हे कई महीना तक मकान ल बनवाए नई सकत रहिन के काबर के आर्थिक स्थिति ह खराब रहिस हे। नगरपंचायत भैरमगढ के अधिकारि मन ह आवास के निर्माण सुरू करे ब प्रेरित करिस तहां धीरे धीरे कर के मकान ह पूरा होइस। अब ओमन ह अपन पक्का के अवास म गरब अउ खुसि से रहत हे अउ नगर पंचायत के अधिकारी-कर्मचारी , शासन ल धन्यवाद देवत हे।
Success Stories
Neha Rathore
बीजापुर : गरीब महिला के पक्का के घर बनाए के सपना ह होइस सही
