दुरूग 23 मई 2021इतवार। शैक्षणिक सत्र 2018-2019 और 2019-20 के बोर्ड परीक्षा म बने प्रदर्शन करइया दुरूग जिला के छात्र छात्रा मन ल मुख्यमंत्री दाउ भूपेश बघेल ह वीडियो कॉन्फ्रेंसिंग ले सम्मानित करीन। उन मन बच्चा मन के उज्जर भविष्य के कामना करीन। ये मौका म कलेक्टर डॉ. सर्वेश्वर नरेंद्र भुरे तको रहिन। जानबा होवय कि छत्तीसगढ़ माध्यमिक शिक्षा मंडल कोति ले ‘‘स्वामी आत्मानंद मेधावी छात्र प्रोत्साहन योजना‘‘ के अंतर्गत हर बछर प्रावीण्य सूची के छात्र मन ल 1.50 लाख रुपिया (जेमा लेपटॉप के राशि तको संघरे हे) सम्मान राशि अउ प्रमाण पत्र दिये जाथे। एकर छोड़ अव्वल अउ दूती जगा पवइया छात्र मन ल चिन्हा बांटे जाथे।
बछर 2019 बर सम्मानित छात्र/छात्रा- कक्षा दसवीं ले कु. साक्षी मिश्रा श्री महावीर जैन उच्चतर माध्यमिक विद्यालय अउ कु. मोनिका यादव सरस्वती शिशु मंदिर उच्चतर माध्यमिक विद्यालय । कक्षा 12वीं ले कु. मनीषा कुमारी शासकीय उच्चतर माध्यमिक विद्यालय भेलई-3, श्री लक्की देवांगन शासकीय उच्चतर माध्यमिक विद्यालय तितुरडीह अउ कु. नम्रता शासकीय उच्चतर माध्यमिक विद्यालय बोरी।
बछर 2020 बर सम्मानित छात्र/छात्रा- कक्षा दसवीं ले कु. महक यादव शकुंतला विद्यालय क्रमांक-2 रामनगर भेलई, श्री आदर्श गिरी ज्योति अंग्रेजी माध्यम उच्चतर माध्यमिक विद्यालय चरौदा अउ कु. संजना बंछोर शासकीय उच्चतर माध्यमिक विद्यालय करंजा भेलई। कक्षा बारहवीं ले श्री सौरभ साहू शकुंतला विद्यालय क्रमांक-2 रामनगर भेलई, कु. नेहा वर्मा शकुंतला विद्यालय क्रमांक-2 रामनगर भेलई अउ कु. मीनल हिरवानी शासकीय आदर्श कन्या उत्तर माध्यमिक विद्यालय दुरूग ।
बुध्दिमान बच्चा मन के सम्मान : वीडियो कॉन्फ्रेंसिंग ले मुख्यमंत्री दीन बधई, कहीन खूबे मेहनत करथै, उज्जर भविष्य के शुभकामना अउ अबड़ अकन अशीश
