बेमेतरा : रबी सीजन म शैलो ट्यूबवेल पानी के कमी ल करत हे दूर

बेमेतरा, कृषि संबंधित क्षेत्र मन म विकास अउ कृषि फसल म सुधार लाय के उद्देश्य ले सरकार कोति ले राष्ट्रीय कृषि विकास योजना चलाए जात हे। ये योजना के तहत किसान मन ल अपन कृषि व्यवसाय ल बढ़ाए के मौका मिलत हे। जेखर से ऊंखर आर्थिक स्थिति म सुधार होवत हे। सरकार कोति ले किसान मन के कृषि संबंधी समस्या मन ल देखत राष्ट्रीय कृषि विकास योजना चलाए जात हे। ये योजना के माध्यम ले किसान मन ल आर्थिक सहायता घलोक प्रदान करे जात हे। इही कड़ी म बेमेतरा जिला के विकासखण्ड साजा अन्तर्गत ग्राम मासुलगोंदी के किसान प्रेमलाल के जमीन नरवा के पार म होए के सेती सिरिफ वर्षा ऋतु (खरीफ सीजन) म फसल उत्पादन होवत रहिस। रबी सीजन म पानी के कमी होए के सेती फसल उत्पादन ठीक नइ हो पात रहिस। प्रेमलाल ह राष्ट्रीय कृषि विकास योजना अंतर्गत अपन निजी जमीन 0.45 हेक्टेयर रकबा म शैलो ट्यूबवेल खनन करवाइस। शैलो ट्यूबवेल खनन होए के बाद वोखर रबी फसल ल भरपूर पानी मिलतरहा हे। वो ह बताइस कि अभी अभी हाल म 0.45 हे. म धान के खेती करत हे, जेखर से 20 ले 25 क्वि. उत्पादन होए के संभावना हे।