भेंट-मुलाकात: ग्राम कांशीगढ़ : गोधन न्याय योजना ले होए आमदनी ले उषाबाई ह पहिली पईत अपन कमाई ले बिसाईस अपन बर जेवर

रायपुर, कांशीगढ़ गांव म गोधन न्याय योजना ले जुड़े महिला मन खुद के अऊ अपन परिवार के बुनियादी जरूरत मन ल पूरा करे के संगें-संग अपन सउंख घलोक पूरा करत हें। एखर निसानी सक्ति जिला के जैजैपुर विकासखंड के ग्राम कांशीगढ़ म देखे ल मिलीस, जिहां गोधन न्याय योजना ले जुड़े महिला स्व-सहायता समूह के सदस्य श्रीमती उषाबाई साहू ह अपन पांव म सजाए बर एक जोड़ी पैरपट्टी बिसाईस, मुख्यमंत्री ले ये अनुभव ल साझा करत उषाबाई ह बताइस कि ये वोखर बर बड़का बात ये, काबर के वो ह जिंदगी म पहली पईत अपन खुद के कमाए पइसा ले अपन बर जेवर बिसाईस। उषा एक गृहिणी ये। गांव के आशा किरण समूह ले जुड़े के पहिली ओ ह घर के काम काज करत रहिस। फेर अब समूह के आन महिला मन के संग ओ ह गौठान म गोधन न्याय योजना के संग दुसर आजीविका गतिविधि मन ले जुड़े हे। इहां ले मिलइया आमदनी ले वो ह अपन बर एक जोड़ी पायल बिसाए हे।