रायपुर, जिला मुख्यालय बालोद म आज राष्ट्रीय पर्व 15 अगस्त स्वतंत्रता दिवस समारोह बरसत पानी म घलोक हर्ष उल्लास के संग गरिमामय ढंग ले मनाए गीस। समारोह के मुख्य अतिथि प्रदेश के महिला अऊ बाल विकास अऊ समाज कल्याण मंत्री श्रीमती अनिला भेंडिया ह बिहनिया 09 बजे स्व.सरयू प्रसाद अग्रवाल स्टेडियम म राष्ट्रीय ध्वज फहराके परेड के सलामी लीन। उमन मुख्यमंत्री श्री भूपेश बघेल के स्वतंत्रता दिवस संदेश के वाचन करिन। ये बेरा म मुख्य अतिथि श्रीमती भेंडिया ह शांति के चिनहा श्वेत कपोत अऊ हर्षोल्लास के चिनहा रंग बिरंगा गुब्बारा घलोक आसमान म छोडि़न।
ये बेरा म संजारी-बालोद विधायक श्रीमती संगीता सिन्हा, जिला पंचायत अध्यक्ष श्रीमती सोनादेवी देशलहरा, नगर पालिका परिषद बालोद के अध्यक्ष श्री विकास चोपड़ा, जिला अऊ सत्र न्यायाधीश डॉ. प्रज्ञा पचौरी, कलेक्टर डॉ. गौरव कुमार सिंह, पुलिस अधीक्षक श्री जितेन्द्र कुमार यादव, सेनानी 14वीं वाहिनी छत्तीसगढ़ सशस्त्र बल श्री डी.आर.आचला, वनमंडल अधिकारी श्री आयुष जैन, जिला पंचायत के मुख्य कार्यपालन अधिकारी डॉ. रेणुका श्रीवास्तव संग कई ठन विभाग मन के अधिकारी, कर्मचारी अऊ बड़ संख्या म गणमान्य नागरिक उपस्थित रहिन।