जरूरतमंद अऊ बेसहारा मनखे मन के जानिन हाल-चाल
रायपुर, 10 अप्रैल 2020। महिला बाल विकास अऊ समाज कल्याण मंत्री श्रीमती अनिला भेंड़िया सियान, दिव्यांगजन संग समाज के वंचित अऊ जरूरतमंद मनखे मन तक राहत अऊ कोरोना संक्रमण ले बचाव बर सरकार कति ले होए व्यवस्था मन के लगातार निरीक्षण करत हें। इही कड़ी म बालोद अऊ दुर्ग जिला के बाद आज श्रीमती भेंड़िया राजधानी के माना कैम्प स्थित समाज कल्याण विभाग कोति ले संचालित शासकीय वृद्धाश्रम, बहुदिव्यांग गृह, पुनर्वास केन्द्र, महिला अउ बाल विकास कोति ले संचालित बालाश्रम अऊ लॉकडाउन म फंसे मनखे मन बर बनाय गए लाभाण्डी के राहत कैम्प के जायजा लेहे पहुंचिन।
श्रीमती भेंड़िया ह वृद्धाश्रम म सियान मन के हाल-चाल पूछिन अऊ ऊंखर स्वास्थ्य, खान-पान अऊ दिनचर्या के जानकारी लीन। उमन सियान मन के कोरोना संक्रमण ले जादा प्रभावित होए के जोखिम ल देखत अधिकारी मन ल सियान मन के स्वास्थ्य अऊ संक्रमण ले सुरक्षा के संबंध म विशेष सतर्कता बरते के दे निर्देश देहे हें। जानबा हे के ए आश्रम म राज्य के 26 सियान निवास करत हें।