मछली पालन आमदनी के उत्तम साधन

सरहापानी के गंगा स्व सहायता समूह ल ग्रामीण तलाव जलक्षेत्र म 10 वर्षीय पट्टा आबंटन
प्रतिवर्ष म 1500 किलोग्राम मछली के करे जाथ हे उत्पादन
मत्स्य विभाग कती ले समूह ल 04 नग महाजाल अउ 50 प्रतिशत अनुदान म मछली बीज प्रदाय करे गईस
मछली विक्रय ले समूह ल लगभग 2 से 3 लाख प्रतिवर्ष होवत हे मुनाफा
जशपुरनगर, 23 मई 2023

जिला के किसान, स्व सहायता समूह अउ दूरस्थ अंचल के लोग मन ल आर्थिक रूप ले मजबूत बनाए अउ रोजगार के अवसर दिए के उदेश्य ले जिला प्रशासन कती ले विभिन्न योजना के माध्यम ले हितग्राहि मन ल लाभान्वित करे जाथ हे। मछली पालन विभाग कती ले घलो विभागीय योजना ले सरलग किसान अउ समूह ल मछली पालन ब प्रोत्साहित करे जाथ हे अउ आर्थिक रूप ले सक्षम बनाए ब ग्रामीण तलाव जलक्षेत्र म पट्टा अउ महाजाल प्रदाय करे जाथ हे।
इ कड़ी म मत्स्य विभाग कती दुलदुला विकासखण्ड के ग्राम सरहापानी के गंगा स्व सहायता समूह ल वर्ष 2019-20 म ग्रामीण तालाब जलक्षेत्र 0.500 म 10 वर्षीय पट्टा म तलाब आबंटन करे गय हे। जेमा कुल 12 सदस्य मन मिल के मछली पालन करत हे। समूह ल विभाग कती ले 04 नग महाजाल अउ 50 प्रतिशत अनुदान म मछली बीज तको प्रदाय करे गय हे। समूह ह हर साल 1500 कि.ग्रा. रोहू, कतला, अउ मृगल मछली के उत्पादन करत हे। जेकर विक्रय ले समूह ल 2 ले 3 लाख लगभग प्रतिवर्ष फायदा होवत हे। समूह ह पिछले 3 बछर ले मछली पालन के बुता करत हे। अब समूह के सदस्य बने आमदनी पा के परिवार के संग सुख-सुविधा के संग जीवन यापन करय हे। एकर न ओमन ह छत्तीसगढ़ शासन अउ जिला प्रशासन ल धन्यवाद दिस हे।