मछली पालन ले श्री गणेश महिला स्व सहायता समूह के आर्थिक अउ सामाजिक स्थिति होइस मजबूत

रायपुर, मुख्यमंत्री श्री विष्णु देव साय ह मछली पालन अर्थात जलीय कृषि करइया किसान मन ल बढ़ावा देहे बर राज्य म मत्स्य पालन ल बढ़ावा देवत हे। संगेच महिला मन ल आर्थिक रूप ले समृद्ध अऊ आत्मनिर्भर बनाए बर खेती किसानी के संगें-संग आन रोजगार ले जोड़े जात हे।
एही कड़ी म जशपुर जिला के मनोरा विकासखण्ड म श्री गणेश महिला स्व सहायता समूह ल मनोरा के बथानडीपा शासकीय तालाब के पट्टा देके मछली पालन के काम होवत हे। समूह के अध्यक्ष श्रीमती गुड़िया साहू ह बताइस के गणेश महिला स्व सहायता समूह के 11 महिला मन ह मनोरा म शासकीय तालाब ल पट्टा म लेके मछली पान के काम करत हे। तालाब 0.801 हेक्टर म बने हे। तालाब म मच्छली पालन बर विभागीय योजना के तहत् 50 प्रतिशत अनुदान म मत्स्य बीज देहे गए हे। संग म योजना अंतर्गत निःशुल्क जाल अउ आईस बॉक्स घलोक देहे गए हे। मछली पालन ले समूह के महिला मन ह 2 लाख 50 हजार रूपिया के आय अर्जित करे हें।