मनेंद्रगढ़ : हौसला के उड़ान ले सपना होइस सकार

स्टेट टॉपर सुनीता अउ प्रिया ह लिस हेलीकॉप्टर जॉयराइड के आनंद
मनेंद्रगढ़,रायपुर म आज बोर्ड परीक्षा म टॉप करे वाले प्रतिभाशाली छात्र छात्रा मन ह ऊंचा उड़ान भरिस। भरतपुर-सोनहत विधायक श्री गुलाब कमरो ह शिक्षामंत्री डॉ. प्रेमसाय टेकाम के संग हतियार झंडी देखा के हेलिकॉप्टर ल रवाना करिस। एमसीबी ज़िला के भरतपुर विकासखंड के कु.सुनीता बैगा अउ मनेंद्रगढ़ विकासखंड के कु.प्रिया रोहरा मन ह जॉय राइड करिस।
बिसेस पिछडे़ जनजाति के सुनीता बैगा स्वामी आत्मानंद उत्कृष्ट इंग्लिश मीडियम स्कूल भरतपुर म कक्षा 12 वीं मेरिट सूची म उत्तीर्ण करे हे अउ भविष्य म डॉक्टर बनना चाहत हे। हेलीकॉप्टर जॉयराइड ल ले के अपन अनुभव म सुनीता ह बताइस कि मै आज रातभर सुते नई सके हव, घुमर घुमर के घड़ी ल देखव के कब बिहनिया होए अउ कब मैं हेलीकॉप्टर म बइठव। अउ जब मैं ह हेलीकॉप्टर म बइठेव त अबड़ मजा आइस। मोर परिवार के कोनो भी सदस्य आज तक हेलीकॉप्टर म नई बईठे हे। मुख्यमंत्री भूपेश बघेल ह हमन ल हेलीकॉप्टर म घूमे के मौका दिस एकर ब मैं ओला बहुत बहुत धन्यवाद देत हव।
विजय इंग्लिश मीडियम स्कूल मनेन्द्रगढ़ के कक्षा 12 वीं के छात्रा प्रिया रोहरा ह हेलीकॉप्टर जॉयराइड ह मुख्यमंत्री ल धन्यवाद दिस। ओ ह कहिस कि नान कन शहर ले आ के ईहाँ हेलीकॉप्टर म बइठे ह कोनों सपना ले कम नई हे। हेलीकॉप्टर जॉयराइड मिले ले मैं ह अबड़ खुश हव।
उल्लेखनीय हे कि नवगठित मनेंद्रगढ़-चिरमिरी-भरतपुर ले प्रावीण्य सूची म स्थान बनाए वाले दू झन छात्रा मुख्यमंत्री के द्वारा आयोजित हेलीकॉप्टर जॉयराइड म पहुँचिस। एमसीबी के प्रिया रोहरा अउ सुनीता बैगा ह रायपुर म जॉयराइड के आनंद लिस। मनेंद्रगढ़-चिरमिरी-भरतपुर कलेक्टर श्री नरेंद्र कुमार दुग्गा, प्रिया अउ सुनीता के उत्साहवर्धन करे ब रायपुर म आयोजित कार्यक्रम म उपस्थित रहिस हे। ओ ह दूनों छात्रा मन ल उज्ज्वल भविष्य के शुभकामना दिस।