जगदलपुर, महिला अऊ बाल विकास अऊ समाज कल्याण मंत्री श्रीमती अनिला भेंड़िया ह आज जगदलपुर स्थित सखी वन स्टॉप सेंटर अऊ चिल्ड्रन होम्स के निरीक्षण करिस। श्रीमती भेंड़िया ह वृन्दावन कालोनी स्थित शासकीय बाल गृह अऊ शासकीय सम्प्रेषण गृह के निरीक्षण करिस अऊ लइका मन ले ऊंखर प्रकरण, शिक्षा, स्वास्थ्य, भोजन अऊ सुरक्षा व्यवस्था के जानकारी लीन।
महिला बाल विकास मंत्री ह नयापारा स्थित सखी वन स्टॉप सेंटर के घलोक निरीक्षण करिस अऊ उहां आए महिला मन ले बात करके उंखर समस्या के जानकारी लीन। संरक्षण अधिकारी श्रीमती वीनू हिरवानी ह बताइस कि अब तक सखी वन स्टॉप सेंटर म 490 प्रकरण प्राप्त होए हे, जेमां ले 404 प्रकरण मन के निराकरण करे जा चुके हे। श्रीमती भेंड़िया ह सखी वनस्टॉप सेंटर म रहत महिला मन अऊ ऊंखर लइका मन ले आत्मीय बातचीत करिन। लइका मन ल चॉकलेट बांटिन अऊ ओ मन ल उज्जवल भविष्य बर शुभकामना दीन। मंत्री श्रीमती भेंड़िया के संग राज्य सभा सासंद श्रीमती छाया वर्मा अऊ पूर्व विधायक श्रीमती प्रतिमा चन्द्राकर घलोक रहिन।