उद्योग मंत्री ल 10 हजार ले जादा बहिनी मन ह बांधीन मया अऊ भरोसा के डोर
भिनसरहा ले लगे रहिस राखी बांधे बर बहिनी मन के तांता
रायपुर, 20 अगस्त 2024। प्रदेश के वाणिज्य उद्योग अऊ श्रम मंत्री श्री लखन लाल देवांगन ल 10 हजार ले जादा बहिनी मन ह मया अऊ भरोसा के डोरी बांधके अपन आशीर्वाद दीन। ए मौका म उद्योग मंत्री श्री देवांगन ह कहिन कि प्रदेश म मुख्यमंत्री श्री विष्णुदेव साय ह सबो बहिनी मन ल महतारी वंदन योजना के तहत् हर महीना एक हजार रूपिया देवत हे। महिला मन के सशक्तीकरण के दिशा म तेजी ले काम करे जात हे।
रक्षाबंधन के पवित्र परब म उद्योग मंत्री श्री देवांगन के पंचवटी तीर के शासकीय घर डी 1 आयोजित बहनी मन संग राखी के तिहार म भिनसरहा ले ही बड़ संख्या म बहिनी मन के पहुंचना शुरू हो गए रहिस। मंझनिया तक 10 हजार ले जादा महिला मन ह अपन भाई ल राखी बांध के आशीर्वाद दीन। रक्षाबंधन पर्व म हर वर्ग समाज के बहिनी मन म उत्सुकता देखे गीस। कोरबा नगर निगम क्षेत्र के हर वॉर्ड ले महिला मन राखी उत्सव म सामिल होइन। ए अवसर म मंत्री श्री देवांगन ह सबो ले मया ले राखी बंधवाईन अऊ ऊंखर आशीर्वाद बर आभार व्यक्त करिन। कार्यक्रम म पंचायत अउ नगरीय संस्था मन के जनप्रतिनिधि अऊ बड़ संख्या म महिला मन उपस्थित रहिन।