मुंगेली के हुशनेश ह एयरफोर्स म अब फ्लाइंग ऑफिसर बनिस

छतीसगढ़ के जवान टुरा-टुरी बर बनिस रोल मॉडल

मुंगेली//23 जून 20//
मुंगेली जिला के ग्राम बिरगहनी निवासी हुशनेश रत्न एयरफोर्स म अब फ्लाइंग ऑफिसर के तौर म चयनित होके जिला के साथ प्रदेश के नाम रौशन करे हावय. हुशनेश एयरफोर्स अकादमी हैदराबाद ले कोर्स पूरा करे के बाद पासिंग आउट परेड म शामिल होइस.
सुरु ले मेधावी छात्र हुशनेश रत्न ह प्रारंभिक शिक्षा सालेम स्कूल रायपुर के बाद सैनिक स्कूल अम्बिकापुर ले पूरा करिस. एखर बाद एनडीए पुणे बर फाइटर पायलट ऑफिसर के लिए कठिन परीक्षा से गुजरत एसएसबी क्लियर करिन, अउ अब हैदराबाद एयरफोर्स अकादमी ले इंडियन एयरफोर्स म फ़्लाइंग ऑफिसर के रूप में चयनित होईन. एसनिहे देश ल हुशनेश के रूप में नया फ्लाइंग ऑफिसर प्राप्त होय हे.
हुशनेश के ददा आरडी घिडोरे पूर्व खाद्यमंत्री पुन्नूलाल मोहले के विशेष सहायक रह चुके हावयं. वर्तमान में संयुक्त संचालक के पद म क्षेत्रीय कार्यालय रायपुर अउ संचालनालय रोजगार, प्रशिक्षण में पदस्थ हावयं. हुशनेश के बड़े भाई ह घलो बीई मेकेनिकल करे हें. पढ़इया लइका नवजवान बर हुशनेश ह रोल मॉडल बनिस।