मुंगेली 19 जून 2020// कलेक्टर एवं जिला दंडाधिकारी श्री पी. एस. एल्मा ह विकास खण्ड पथरिया के ग्राम कंचनपुर स्थित क्वारेंटाइन सेंटर मे ठहरे प्रवासी श्रमिक के जांच रिपोर्ट कोरोना पाॅजीटिव पाय जाय के कारण कोरोना वायरस के संक्रमण के फैलाव ल दृष्टिगत रखत विकास खण्ड पथरिया के शासकीय प्राथमिक शाला कंचनपुर के स्कूल परिसर क्षेत्र ल कंटेनमेंट जोन घोषित करे गे हे। एखर पूर्व दिशा मे टोनहीचुवा, पश्चिम मे खपरी, उत्तर मे खैरझिटी अउ दक्षिण मे कंचनपुर खार शामिल हवय। घोषित कंटेनमेंट जोन मे सब्बो दुकान अउ आन वाणिज्यिक प्रतिष्ठान आगामी आदेश पर्यन्त तक बंद रही । कंटेनमेंट जोन मे प्रभारी अधिकारी द्वारा घर पहुॅच सेवा के माध्यम ले आवश्यक वस्तु के आपूर्ति उचित दर म करे जही। सब्बो प्रकार के वाहन के आवागमन पूर्णतः प्रतिबंधित रही । मेडिकल इमरजंसी ल छोड़ आन कोनो भी कारण ले घर से बाहर निकले म प्रतिबंध लगा दिये गय हे। स्वास्थ्य विभाग के मानक के अनुरूप व्यवस्था बर पुलिस लगातार पेट्रोलिंग करत रही। कलेक्टर एवं जिला दंडाधिकारी श्री एल्मा ह जारी आदेश के कड़ाई ले पालन करे के निर्देश दिये हवय।