खरीफ फसल बर 1 लाख 28 हजार ले जादा हेक्टेयर क्षेत्र के होही क्षेत्राच्छादन
मुंगेली 19 जून 2020// मुंगेली जिला म मानसून के दस्तक होत ही खेती किसानी के काम युद्ध स्तर म प्रारंभ हो गय हें। खरीफ फसल बर ये वछऱ 1 लाख 28 हजार 10 हेक्टेयर क्षेत्र म क्षेत्राच्छादन करे के लक्ष्य निर्धारित करे गय हे। कलेक्टर श्री पी. एस. एल्मा ह बताइन कि मुंगेली जिला कृषि प्रधान जिला हवय । ईहां के किसान खेती म निर्भर हंय। जिला म किसान के लिए पर्याप्त मात्रा मे खाद अउ उन्नत प्रजाति के बीज उपलब्ध हे । किसान अपन सुविधा के अनुसार समिति से खाद बीज के उठाव कर सकत हें। किसान ल खेती किसानी के काम मे कोनों भी प्रकार के परेशानी नई आन देन । कृषि विभाग के उपसंचालक श्री डी. के. ब्योहार ह बताइन कि जिला मे खरीफ फसल बर ये वर्ष 59 हेक्टेयर क्षेत्र मे बोता पद्धति अउ 37 हजार हेक्टेयर क्षेत्र मे रोपा पद्धति ले धान लगाय जही। 3 हजार 150 हेक्टेयर क्षेत्र मे मक्का, 1 हजार हेक्टेयर क्षेत्र मे दूसर लघु धान्य फसल ले जही। ओमन बताइन कि 7 हजार 500 हेक्टेयर क्षेत्र मे अरहर, 1 हजार 500 हेक्टेयर क्षेत्र मे मूंग, 1 हजार हेक्टेयर क्षेत्र मे उड़द, 3 तीन हजार हेक्टेयर क्षेत्र मे मूंगफली, 1 हजार हेक्टेयर क्षेत्र मे तिल, 10 हजार 460 हेक्टेयर क्षेत्र मे सोयाबीन, 150 हेक्टेयर क्षेत्र मे रामतिल तथा 3 हजार 250 हेक्टेयर क्षेत्र मे रेशेदार आन फसल लगाय के लक्ष्य निर्धारित करे गे हे।
