रायपुर, मुख्यमंत्री श्री भूपेश बघेल अऊ विभागीय मंत्री श्रीमती अनिला भेड़िया कोति ले तीजा-पोरा तिहार के बेरा म पोषण महिना के शुभारंभ करे गीस। पोषण महिना म ‘घर-घर पोषण व्यवहार अपनाबो, सुपोषित छत्तीसगढ़ बनाबो‘ के संदेश अऊ खाद्य विविधता के चिन्हारी स्वरूप सुपोषण टुकनी बांटे गीस। प्रदेश म पोषण महिना 1 ले 30 सितमबर के बीच आयोजित करे जाही। ये बेरा म हर घर पोषण तिहार अऊ चलव अपनाबोन पोषण व्यवहार संदेश ल गांव अऊ शहर के घर-घर म इपहुंचाये जाही। ये बेरा म महिला अऊ बाल विकास विभाग सचिव श्री सिद्धार्थ कोमल सिंह परदेशी, आयुक्त श्री जनमेजय महोबे अऊ राज्य परियोजना प्रबंधन प्रकोष्ठ के आन अधिकारीगण उपस्थित रहिन।
कुपोषण म व्यापक रोकथाम के उद्देश्य ले, पोषण अभियान अंतर्गत महिना सितमबर 2019 म राष्ट्रीय पोषण महिना के आयोजन करे जात हे। पोषण महिना 2019 के मुख्य उद्देश्य स्वास्थ्य अउ पोषण के प्रति हितग्राही मन ल जागरूक करना हे अऊ ओ सेवा मन तक उंखर पहुंच ल सुगम बनाना हे। पोषण महिना के आयोजन 05 माई बात मन ल लेके करे गए हे- लइका के पहिली 1000 दिन, एनिमिया, डायरिया, हाथ धुलाई अउ स्वच्छता अऊ पौष्टिक आहार (खाद्य विविधता)। ए 05 प्रमुख सूत्र मन ल आधार बनाके सबो सहयोगी विभाग मन कोति ले कई ठन गतिविधि मन के आयोजन कई स्तर म करे जाही। हम आप मन ल बता देवन कि पोषण अभियान के एक प्रमुख घटक अभिसरण हे जेखर अन्तर्गत सबो सहयोगी विभाग एक लक्ष्य अर्थात् कुपोषण ले मुक्ति, ल प्राप्त करे के दिशा म काम करत हे। पोषण अभियान के आखरी लक्ष्य जन आन्दोलन लाना हे। पोषण महिना के माध्यम ले आम जनमानस ल पोषण अऊ स्वास्थ्य के मुद्दा म संवेदनशील करत ओ मन ल जागरूक करके सुपोषण के मुख्य धारा ले जोड़ना हे।
