पॉलिटेक्निक कॉलेज अऊ आईटीआई म थ्री-डी प्रिन्टिग अऊ रोबोटिक्स जइसे नवा ट्रेड के होही शुरूआत
रूरल इंडस्ट्रियल पार्क म उत्पाद मन ल तियार करे खातिर होही अत्याधुनिक तकनीकी के उपयोग
मुख्यमंत्री के टाटा टेक्नोलॉजिस के अधिकारी मन के संग बैठक म विचार-विमर्श
रायपुर, छत्तीसगढ़ के पॉलिटेक्निक कॉलेज अऊ आईटीआई म थ्री-डी प्रिन्टिग अऊ रोबोटिक्स जइसे नवा ट्रेड मन म प्रशिक्षण चालू करे अऊ छत्तीसगढ़ के गौठान मन म विकसित करे जात रूरल इंडस्ट्रियल पार्क म कृषि उपज अऊ लघु वनोपज मन के प्रसंस्करण अऊ वैल्यू एडिशन बर अत्याधुनिक तकनीक के उपयोग चालू करे के संबंध म मुख्यमंत्री श्री भूपेश बघेल के संग टाटा टेक्नोलॉजिस के अधिकारी मन के बैठक म विचार-विमर्श करे गीस।
मुख्यमंत्री श्री भूपेश बघेल के अध्यक्षता म विधानसभा स्थित ऊंखर कार्यालय कक्ष म होए बैठक म टाटा टेक्नोलॉजिस के अधिकारी मन के संग गौठान मन ल आईटीआई ले जोड़े, गौठान मन म तियार करे जात उत्पाद मन के वेल्यू एडिशन अऊ उत्पाद मन के विक्रय बर सी-मार्ट ले जोड़े जइसे विषय मन उपर चर्चा होइस। एखर अलावा रूरल इंडस्ट्रियल पार्क म तियार उत्पाद मन के ब्रांडिंग अऊ मार्केटिंग के काम म घलोक सहयोग विचार-विमर्श करे गीस। टाटा टेक्नोलॉजिस के अधिकारी मन कोति ले बैठक म प्रस्तुतिकरण के माध्यम ले बताए गीस कि पॉलीटेक्निक अऊ आईटीआई म आधुनिक उद्योग मन के जरूरत के मुताबिक ट्रेड चालू करे के संग ए संस्था मन म शिक्षक मन के तको प्रशिक्षण के व्यवस्था रइही। बैठक म जानकारी देहे गीस कि टाटा टेक्नोलॉजिस कोति ले विकसित अधोसंरचना के उपयोग लइका मन के प्रशिक्षण के संग स्थानीय उद्योग मन घलोक आवश्यकतानुसार कर सकहीं। कृषि उपजउ मन के प्रसंस्करण अऊ वैल्यू एडिशन बर कृषि विज्ञान केन्द्र के संग घलोक टाटा टेक्नोलॉजिस काम करही। बैठक म एग्रीकल्चर रिसर्च एण्ड इनोवेशन सेंटर म घलोक विचार-विमर्श होइस।