रइपुर, 06 जुलाई 2021 मंगल। मुख्यमंत्री दाउ भूपेश बघेल ह आज इहां अपन घरू कार्यालय म संस्कृति विभाग डाहर ले प्रकाशित ‘आनी बानी के छत्तीसगढ़’ (छत्तीसगढ़ की बानगी) पुस्तक के विमोचन करीन। ये पुस्तक वरिष्ठ साहित्यकार श्री अरविंद मिश्र द्वारा छत्तीसगढ़ी अउ हिंदी भाषा म लिखे गे हवय, पुस्तक के संपादन श्री राम पटवा ह करे हे।
श्री अरविन्द मिश्र बताइन कि छत्तीसगढ़ के रहन-सहन, जीवनशैली, रोजगार अउ खानपान ऊपर आधारित ये किताब ज्ञानवर्धक जानकारी ले भरपूर हे। नवा पीढ़ी अउ प्रतियोगी परीक्षा के तियारी करइया छात्र मन बर तको उपयोगी हे। ये पुस्तक के प्रकाशन ले छत्तीसगढ़ के पहिचान राष्ट्रीय स्तर म बाढ़ही।
ये बेरा म खाद्य मंत्री श्री अमरजीत भगत, राज्य खाद्य अउ नागरिक आपूर्ति निगम के अध्यक्ष श्री रामगोपाल अग्रवाल, मुख्य सचिव श्री अमिताभ जैन, मुख्यमंत्री के अपर मुख्य सचिव श्री सुब्रत साहू अउ संस्कृति विभाग के सचिव श्री अन्बलगन पी., संचालक श्री विवेक आचार्य तको रहीन ।