मुख्यमंत्री शहरी स्लम स्वास्थ्य योजना ले 24 लाख ले जादा मनखे मन के इलाज

रायपुर, मुख्यमंत्री स्लम स्वास्थ्य योजना के मोबाइल मेडिकल यूनिट के चिकित्सा दल शहर म गरीब मन के बस्ती म पहुंच के जरूरतमंद मनखे मन के इलाज निःशुल्क करत हे। गरीब मनखे मन कई कारण ले अस्पताल तक नइ पहुंच पात रहिन। जेखर से उनखर इलाज नइ हो पात रहिस। मुख्यमंत्री श्री भूपेश बघेल ह गरीब मन के पीरा ल समझिन। गरीब के इलाज करे ऊंखर घर म ही डॉक्टर पहुँचाये के व्यवस्था कर दीन।
मुख्यमंत्री स्वास्थ्य स्लम योजना के तहत करीब 24 लाख ले जादा मनखे मन के इलाज छत्तीसगढ़ के शहरी इलाका मन के स्लम बस्ती म करे जा चुके हे। शहर मन म मोबाइल मेडिकल यूनिट के वाहन घूम-घूम के गरीब मन के इलाज करत हे।