मुख्यमंत्री श्री भूपेश बघेल ह रतनपुर के मां महामाया देवी मंदिर म पूजा अर्चना करिन

बिलासपुर, मुख्यमंत्री श्री भूपेश बघेल आज नवरात्रि पर्व के अष्टमी के दिन बिलासपुर जिला के प्रसिद्ध धार्मिक स्थल रतनपुर पहुंचिन। उमन उहां मां महामाया मंदिर म देवी माता के पूजा अर्चना करिन अऊ प्रदेशवासी मन के सुख-समृद्धि अऊ खुशहाली के कामना करिन। उमन नागरिक मन ल नवरात्रि पर्व के शुभकामना घलोक दीन।
ये बेरा म संसदीय सचिव अऊ विधायक श्रीमती रश्मि सिंह, जिला पंचायत बिलासपुर के अध्यक्ष श्री अरूण सिंह चौहान, नगर निगम बिलासपुर के महापौर श्री रामशरण यादव, छत्तीसगढ़ पर्यटन मंडल के अध्यक्ष श्री अटल श्रीवास्तव, श्री आशीष सिंह ठाकुर, संभागायुक्त डॉ. संजय अलंग, कलेक्टर डॉ. सारांश मित्तर, एसपी श्री दीपक कुमार झा संग क्षेत्र के बहुत अकन जनप्रतिनिधि अऊ गणमान्य नागरिक उपस्थित रहिन।