मुख्यमंत्री श्री भूपेश बघेल के पहल म शहरी क्षेत्र के लोगन मन के बाढ़ीस सुविधा….

अब ले जम्मो नगर पालिका मन म घर बईठे 25 प्रकार ले सुविधा पहुंचाही मितान
मुख्यमंत्री श्री भूपेश बघेल ह मितान योजना के करिस विस्तार
मुख्यमंत्री ह शहरी क्षेत्र के लोगन मन ल रोजगार से जोडे़ ब अर्बन इंडस्ट्रियल पार्क योजना के करिस शिलान्यास
हमार कोशिश ग्रामीण के संग संग सहरी अर्थव्यवस्था ल घलो मजबूत बनाए के: मुख्यमंत्री श्री भूपेश बघेल
स्लम स्वास्थ्य योजना ले घलो होइस विस्तार, मुख्यमंत्री ह एमएमयू ल देखईस हरीयर झंडी
रायपुर, 01 जुलाई 2023
 मुख्यमंत्री श्री भूपेश बघेल ह सनिच्चर के मुख्यमंत्री निवास कार्यालय म वीडियो कॉन्फ्रेसिंग के माध्यम ले नगरीय प्रशासन अउ विकास विभाग के अंतर्गत संचालित विभिन्न योजना के विस्तार करिस हे। ए अवसर म श्री बघेल ह मुख्यमंत्री मितान योजना ले जम्मो नगर पालिका म सुभारंभ करिस, जेकर बाद म अब मितान योजना म श्रमिक कार्ड समेत 25 प्रकार के सेवा के सुविधा घर बईठे हितग्राही मन ल मिलही। अभी तक मुख्यमंत्री मितान योजना के सुविधा नगर निगम क्षेत्र के नागरिक मन ल मिलत रहिस हे। मुख्यमंत्री ह प्रदेश के नगरीय क्षेत्र म अर्बन इंडस्ट्रियल पार्क (UIPA) के घलो सुभारंभ करिस जेकर से सहरी क्षेत्र म घलो स्टार्टअप उद्यमि, स्व-सहायता समूह ल रोजगार के बेहतर अवसर उपलब्ध हो सकय। एकर संग ही मुख्यमंत्री ह स्लम स्वास्थ्य योजना के तहत मोबाईल मेडिकल यूनिट (एमएमयू) ह हरीयर झंडी देखा के रवाना करिस। उल्लेखनीय हे कि मनखे मन के बीच नीला गाड़ी के नाम ले मसहूर एमएमयू के बड़ लोकप्रियता हे, जेकर बाद मनखे मन के आवश्यकता ल देखत हुए गाडी के संख्या बढ़ाए गईस हे।  
Neha Rathore