रायपुर, मुख्यमंत्री श्री भूपेश बघेल ह आज सूरजपुर जिला के केशवनगर म आयोजित चौपाल म लगाए गए सूरजपुर के लाईवलीहुड कॉलेज के स्टाल म जिला के 102 बेरोजगार युवा मन ल राज्य अऊ राज्य के बाहिर के कई ठन कंपनी मन म नियोजन के आदेश सौंपिन। जिला के एक युवक अमित कुमार ल सबले जादा तीन लाख रूपिया सालाना के पैकेज मिले हे। मुख्यमंत्री ह ए युवा मन ल ऊंखर उज्ज्वल भविष्य बर शुभकामना दीन।
सी.आई.आई. (कॉन्फेडरेशन ऑफ इंडियन इंडस्ट्री) संस्था एक गैर सरकारी, गैर-लाभ, उद्योग नेतृत्व अऊ उद्योग प्रबंधित संगठन हे। सूरजपुर कलेक्टर श्री दीपक सोनी के पहल ले ए संस्था के मुख्य हिस्सा मॉडल कैरियर सेंटर के स्थापना लाईवलीहुड कॉलेज सूरजपुर म करे जात हे। ये सेंटर भारत के 6वां अऊ छत्तीसगढ़ राज्य के पहला कैरियर सेंटर होही। प्रारंभिक स्तर म कंपनी कोति ले जिला के 102 बेरोजगार युवा मन के काउंसलिंग अऊ साक्षात्कार के संग चयन कर ले गए हे, जिनला राज्य अऊ राज्य ले बाहिर अलग-अलग कंपनी मन म नियोजित करे गीस। नियोजक कंपनी म मुख्य रूप ले HDFC Life, Karvey, Pilot Fish, GOD, Anand Automobile, Water World Super mart, Mahamaya Autocars pvt.Ltd सामिल हे, जऊन नोएडा, रींवा, रायपुर, सागर, अम्बिकापुर आदि स्थान मन के हे।
कंपनी कोति ले जिला परियोजना लाईवलीहुड कॉलेज म अधोसंरचना स्थापित करे के काम चालू कर दे गए हे जल्दीच संचालन चालू कर दे जाही। ए कंपनी के माध्यम ले जिला के युवा मन ल गुणवत्तायुक्त प्रशिक्षण प्रदान करके ऊंखर क्षमतानुसार ओ मन ल कंपनी मन नियोजित करे जाही।