Site icon हांका – Chhattisgarhi News

मुख्यमंत्री श्री विष्णु देव साय के संवेदनशीलता, जनदर्शन म पता चलतेच एक घंटा म मिलीस चेक

रायपुर, 4 जुलाई 2024। मुख्यमंत्री श्री विष्णुदेव साय के जनदर्शन म अपन नातिन के इलाज करे के आस लेके पहुंचे श्री दोहत राम विश्वकर्मा ल आज बड़का सहारा मिलीस। दरअसल मुख्यमंत्री ल जानकारी मिलीस के जनदर्शन म एक दस साल के दिव्यांग बच्ची दिव्या विश्वकर्मा बइठे हे। जेखर हाथ म विकृति हे। परिवार के माली हालत खराब होए के सेती बच्ची के इलाज नइ हो पात हे। जबकि डॉक्टर्स के कहना हे कि ओखर हाथ के ऑपरेशन करके ठीक करे जा सकत हे। जानकारी मिलतेच मुख्यमंत्री ह तुरंते बच्ची ल मंच म बलाइन, ओखर परिजन ले पूरा जानकारी लीन। मुख्यमंत्री ह अधिकारी मन ल तुरंत आर्थिक सहायता के निर्देश दीन अऊ एक घंटा के भीतर मुख्यमंत्री ह खुद बच्ची ल डेढ़ लाख रुपिया के चेक दीन।

Exit mobile version