मुख्यमंत्री श्री साय ले मुलाकात करके लोकतंत्र सेनानी मन ह सम्मान निधि बहाल करे बर आभार व्यक्त करिन

रायपुर, 12 मई 2024/ मुख्यमंत्री श्री विष्णु देव साय ले पाछू आठ तारीक के लोकतंत्र सेनानी मन (मीसाबंदी मन) Democracy Fighter (MISA Bandi) ह मुलाकात करके अपन सम्मान निधि फेर शुरू करे बर आभार व्यक्त करिन।
मुलाकात के समय मुख्यमंत्री श्री विष्णु देव साय ह कहिन कि हम लोकतंत्र ल सर्वोपरि मानथन अउ हम लोकतांत्रिक भावना के पोषक हन। उमन कहिन कि देश के लोकतंत्र म जब संकट आए रहिस तब हमार लोकतंत्र सेनानी मन ह अड़बड़ दुख अऊ यातना सहत लोकतंत्र के रक्षा करे हें। ए महान काम ल पूरा करे बर उमन अपन अउ अपन परिजन के पीड़ा मन के घलोक चिन्ता नइ करिन। श्री साय ह कहिन कि लोकतंत्र सेनानी मन ल मिलइया सम्मान निधि ल बंद करके कांग्रेस के तत्कालीन सरकार ह एक पइत फेर अपन तानाशाही अऊ लोकतंत्र विरोधी रवइया ल दोहराए रहिस। कांग्रेस के सरकारे ह देश म आपात काल लागू करे रहिस। जेखर सेती हमर लोकतंत्र संकट म आए रहिस।