मुख्यमंत्री हाट बाजार क्लीनिक योजना: मरीज मन ल लउहे मिलत हे स्वास्थ्य सुविधा

महासमुंद, राज्य सरकार के महत्वाकांक्षी योजना मुख्यमंत्री हाट-बाजार क्लीनिक योजना के तहत् महासमुन्द संग विकासखण्ड बागबाहरा, बसना, सरायपाली अऊ पिथौरा म हर हफ्ता लगइया हाट-बाजार म स्वास्थ्य शिविर लगाए जात हे जिहां जॉच अऊ इलाज के सुविधा देहे जात हे। इहां मरीज मन ल लउहे स्वास्थ्य सुविधा मिलत हे। जिला म अपरेल महिना ले बीते 17 जुलाई तक 85 हाट बाजार मन म 1136 चिकित्सक दल गए रहिन। पाछू साढ़े तीन महिना म जिला म लगे हाट-बाजार मन म 93 हजार 864 मनखे मन के स्वास्थ्य परीक्षण करके उमन ल दवई देहे गए हे।
ए साप्ताहिक हाट बाजार मन म मुख्यमंत्री हाट बाजार क्लीनिक योजनांतर्गत स्वास्थ्य शिविर लगाके स्वास्थ्य परीक्षण करे जात हे। ये योजना के उद्देश्य स्वास्थ्य लाभ पहुंचाना, गर्भवती महिला मन के पंजीयन, प्रसवपूर्व संपूर्ण जांच अउ पूर्ण टीकाकरण संग बी.पी, शुगर, मलेरिया, जांच कीट के माध्यम ले पैथालाजी जांच, नेत्र जांच, जागरूकता के अभाव म होवइया अकाल मृत्यु ल रोकना, मातृ अउ शिशु मृत्यु दर म कमी लाना, कुपोषण दर कम करना आदि हे। महासमुंद विकासखंड संग सबो बागबाहरा, पिथौरा, बसना अऊ सरायपाली म लगइया हाट बाजार मन म मुख्यमंत्री हाट बाजार क्लीनिक शिविर के संचालन करे जात हे। साप्ताहिक हाट बाजार मन म चिकित्सक, पैरा मेडिकल टीम ह स्वास्थ्य शिविर लगाके स्वास्थ्य उपचार करत हे।