रायपुर, 27 जनवरी 2024। मुख्यमंत्री श्री विष्णु देव साय ले आज इहां राज्य अतिथि गृह पहुना म वाटरपोलो स्पोर्ट्स के खिलाड़ी श्री अभिजीत राज सोनी ह मुलाकात करिस। मुख्यमंत्री श्री साय ल श्री अभिजीत ह बताइस कि ओखर चयन अंडर-19 राष्ट्रीय वाटर पोलो प्रतियोगिता बर होय हे। पाछू साल सितंबर महिना म कोरबा म आयोजित राज्य स्तरीय शालेय क्रीड़ा प्रतियोगिता के तहत अंडर-19 वाटरपोलो स्पर्धा म ऊंखर सियानी म सरगुजा के टीम ह काँस्य पदक हासिल करे रहिस। मुख्यमंत्री ह श्री अभिजीत के खेल प्रतिभा के सराहना करत शाल पहना के ओखर अभिनन्दन करिन अऊ अवइया खेल प्रतियोगिता मन बर शुभकामना दीन। ए अवसर म श्री संजीव सेठ सोनी, श्री अम्बिकेश स्वर्णकार संग आन मनखे उपस्थित रहिन।
मुख्यमंत्री ह अंडर-19 राष्ट्रीय वाटर पोलो प्रतियोगिता बर चुने गए अभिजीत के खेल प्रतिभा ल सहराइन
