मुख्यमंत्री ह करिस जांजगीर के खोखसा रेल्वे ओव्हरब्रिज के सुभारंभ

1168 मीटर लंबा के रेल्वे ओव्हरब्रिज
29 करोड़ रूपिया ले जादा के राशि ले करे गय हे तियार
रायपुर, 01 जुलाई 2023
मुख्यमंत्री श्री भूपेश बघेल ह आज मंझनिया मुख्यमंत्री निवास कार्यालय म आयोजित वर्चुअल कार्यक्रम म जांजगीर-चांपा जिला मुख्यालय के तिर खोखसा म नवनिर्मित रेल्वे ओव्हरब्रिज ले लोकार्पण करिस। ए अवसर म मुख्यमंत्री निवास कार्यालय म नगरीय प्रशासन मंत्री डॉ. शिवकुमार डहरिया, खाद्य अउ संस्कृति मंत्री श्री अमरजीत भगत, छ.ग. मछुआ कल्याण बोर्ड के अध्यक्ष श्री एम. आर. निषाद उपस्थित रहिस हे। मुख्यमंत्री ह लोगन मन ल बधई देत हुए कहिस कि 10 साल के लंना इंतजार के बाद आज एकर उदघाटन होइस हे। एकर बन जाए ले अब लोगन मन ल आवागमन म सहुलियत होही। ए हओव्हरब्रिज चांपा अउ जांजगीर ल जोडे़ के काम करही। गौर करे लईक बात हे कि जांजगीर-चांपा जिला मुख्यालय ले निकले वाले हावड़ा-मुम्बई रेल मार्ग म ए रेल्वे ओव्हर ब्रिज के निर्माण ले क्षेत्रवासी मन ब अब बारहमासी बाधारहित आवागमन के सुविधा हो गईस हे। एकर निर्माण ले प्रतिदिन लगभग 9 ले 10 हजार लोगन म ल जिला कलेक्टोरेट अउ तहसील कार्यालय तक आए-जाए म कोनो परसानी नई होवय। 1168 मीटर लम्बाई के ए ब्रिज के निर्माण 29 करोड़ रूपिया ले जादा ले राशि से करे गय हे।
Neha Rathore