रायपुर, मुख्यमंत्री श्री भूपेश बघेल ह आज जगदलपुर के लालबाग पुलिस कोर्डिनेशन सेंटर परिसर म नवा बने पुलिस परफॉर्मेंस सेंटर (आधुनिक जिम) के उद्घाटन करिस। उमन पुलिस विभाग कोति ले बनाए जात शहीद स्मारक स्थल (वॉर सेमेट्री) के मॉडल के घलोक अवलोकन करिन। ये स्मारक करीबन 150 करोड़ के लागत ले बनही।
पुलिस परफॉर्मेंस सेंटर करीबन एक करोड़ के राशि ले बनाय गए हे। इहां व्यायाम बर अत्याधुनिक मशीन अऊ उपकरण लगाए गे हे। शुभारंभ के अवसर म मुख्यमंत्री ह घलोक एक मशीन म बेयाम करिस। वॉर सेमेट्री (शहीद स्मारक स्थल) के निर्माण जगदलपुर शहर के आमागुड़ा चौक तीर होही, जेमां शहीद मन के नांव मन के उल्लेख करे जाही।
ए अवसर म गृह मंत्री श्री ताम्रध्वज साहू, उद्योग मंत्री श्री कवासी लखमा, स्वास्थ्य मंत्री श्री टी.एस. सिंहदेव, स्कूल शिक्षा मंत्री डॉ. प्रेमसाय सिंह, सांसद श्री दीपक बैज, विधायक श्री रेखचन्द जैन, मुख्य सचिव श्री सुनील कुजूर, डी.जी.पी. श्री डी.एम. अवस्थी, स्पेशल डी.जी. नक्सल ऑपरेशन श्री गिरधारी नायक, बस्तर आई.जी. श्री विवेकानंद सिन्हा, कमिश्नर श्री अमृत खलखो, कलेक्टर डॉ. अयाज तम्बोली, संग जनप्रतिनिधि अऊ आन वरिष्ठ अधिकारीगण उपस्थित रहिन।
