भोजन म परोसे गइस भाँटा मुरई के अम्मट साग, तरोई, आलू परवल, कोलार, चौलाई, कांदा भाजी, दार,आम के चटनी
उच्च शिक्षा के प्रति रुचि देख के मुख्यमंत्री श्री बघेल ह किरण ल गिफ्ट करिस लैपटॉप
राठिया परिवार ह तिलक-आरती, पुष्प-गुच्छ अउ श्रीफल भेंट कर मुख्यमंत्री के करिस आत्मीय स्वागत
रायपुर, 22 मई 2023
मुख्यमंत्री श्री भूपेश बघेल अपने प्रदेशव्यापी भेंट-मुलाकात अभियान के तहत आज कोरबा जिला के रामपुर विधानसभा अंतर्गत ग्राम चिर्रा पहुंचिस। मुख्यमंत्री ग्राम चिर्रा म अपने भेंट मुलाकात कार्यक्रम के बाद किसान श्री सुभाष चंद राठिया के आतिथ्य म भोजन ब गईस।
मुख्यमंत्री के श्री सुभाष के परिवारजन मन ह घर के मुख्य द्वार म पारंपरिक रूप ले तिलक-आरती कर, धान के बाली के बने माला पहिना के अउ शाल श्री फल भेंट के ओकर आत्मीय स्वागत करिस। राठिया परिवार ह पूरा आत्मीयता के संग मुख्यमंत्री ल भोजन परोसिस।
मुख्यमंत्री ह स्वादिष्ट छत्तीसगढ़ी भोजन ब सुभाष अउ ओकर परिजन ल उपहार भेंट के धन्यवाद दिस।
किसान सुभाष के परिवार म के पत्नी समेत 3 लईका हे। ओ स्वयं 12वीं पास हे लेकिन अपन लईका मन ह बढ़िया शिक्षा प्रदान करात। ओकर बडे़ बेटी किरण करतला महाविद्यालय म बीएससी द्वितीय वर्ष के छात्रा हे, उच्च शिक्षा के प्रति किरण के रुचि देख के मुख्यमंत्री ह किरण ल लैपटॉप गिफ्ट करिस अऊ आघू के पढ़ई के ब सब लईका मन ल शुभकामना दीस।
ए अवसर म मुख्यमंत्री के संग विधानसभा अध्यक्ष श्री चरणदास महंत, शिक्षा मंत्री छत्तीसगढ़ शासन अउ जिला के प्रभारी मंत्री श्री प्रेम साय टेकाम, राजस्व मंत्री श्री जयसिंह अग्रवाल अउ सांसद श्रीमती ज्योत्सना महंत समेत अन्य जनप्रतिनिधी मन ह किसान सुभाष के ईहां स्वादिष्ट भोजन के आनंद लिस।