मुख्यमंत्री ह छिंदनार पुल जनता ल करिस समर्पित

रायपुर, मुख्यमंत्री श्री भूपेश बघेल ह दंतेवाड़ा जिला के छिंदनार म इन्द्रावती नदी म 47 करोड़ रूपिया के लागत ले नवनिर्मित पुल ल आज जनता ल समर्पित करिस। ये नवनिर्मित पुल के लम्बाई 712 मीटर अऊ 8.40 मीटर हे। ये पुल के बन जाय ले अब छिंदनार इलाका के गांव वाले मन के रद्दा उफनत इन्द्रावती घलोक नइ रोक सकय। पुल नइ होए के सेती बरसात के दिन म इन्द्रावती नदी के ओ पार स्थित कई गांव मन के जन-जीवन अऊ आवागमन पूरा थम जात रहिस, ये पुल के निर्माण ले मनखे मन ल बारहमासी आवागमन के सुविधा मिले लगे हे। मुख्यमंत्री ह छिंदनार म आयोजित कार्यक्रम म दंतेवाड़ा जिला ल करीबन 251 करोड़ रूपिया के 814 कार्य के सौगात देहे हे। ये बेरा म उद्योग मंत्री अऊ जिला के प्रभारी मंत्री श्री कवासी लखमा, विधायक श्रीमती देवती कर्मा, श्री विक्रम मंडावी, सांसद श्री दीपक बैज संग बहुत अकन जनप्रतिनिधि अऊ बड़ संख्या म ग्रामीणजन उपस्थित रहिन।