मुख्यमंत्री ह जिला अस्पताल राजनांदगांव म डायलिसिस यूनिट के करिन शुभारंभ

रायपुर, मुख्यमंत्री श्री भूपेश बघेल ह काली जिला चिकित्सालय राजनांदगांव (बसंतपुर) म 50 लाख रुपिया के लागत ले बने डायलिसिस यूनिट के शुभारंभ करिन। डायलिसिस यूनिट के शुभारंभ होए ले मरीज मन ल निःशुल्क स्वास्थ्य सुविधा उपलब्‍ध होही। शासन कोति ले 50 लाख रूपिया के लागत ले जिला अस्पताल म 5 डायलिसिस यूनिट के स्थापना ले सुदूर वनांचल क्षेत्र अऊ आन जिला मन के मरीज घलोक लाभान्वित होहीं। डायबिटीज अऊ हाई ब्लड प्रेशर जादा बाढे म ये बीमारी गंभीर हो जाथे अऊ किडनी बने सहिन काम करना बंद कर देथे। ये बीमारी के इलाज म अड़बड़ खरचा हो जाथे। इही समस्या ले राहत देवाए म ये डायलिसिस यूनिट कारगर साबित होही।