गोधन न्याय योजना के क्रियान्वयन म उत्कृष्ट काम करइया चार अधिकारी मन के घलोक सम्मान
रायपुर, मुख्यमंत्री श्री भूपेश बघेल ह राजधानी रायपुर के पुलिस परेड मैदान म आयोजित स्वतंत्रता दिवस के राज्य स्तरीय समारोह म आर्थिक गतिविधि मन के कुशल संचालन अऊ उत्कृष्ट काम बर प्रदेश के तीन स्वावलंबी गौठान मन ल सम्मानित करिन। मुख्यमंत्री ह ए तीनों गौठान मन ल 50-50 हजार रूपिया के प्रोत्साहन राशि, स्मृति चिन्ह अऊ प्रशस्ति पत्र प्रदान करके सम्मानित करिन। दुर्ग जिला के पाटन विकासखण्ड के केसरा गौठान, रायपुर जिला के आरंग विकासखण्ड के चटौद गौठान अऊ कांकेर जिला के कोयलीबेड़ा के डोन्डे, हरनगढ़ गौठान ल सम्मानित करे गीस। ए तीनों गौठान मन के गौठान समिति के अध्यक्ष कनक सोनी, तिलक वर्मा अऊ विष्णु साहू ह अपन-अपन गौठान कोति ले ये सम्मान ग्रहण करिन।
सुराजी गांव के अंतर्गत राज्य स्तरीय गोधन न्याय सेल म योजना के संचालन, क्रियान्वयन अऊ समन्वय म उत्कृष्ट काम बर चार अधिकारी मन ल घलोक सम्मानित करे गीस। एमां कृषि विभाग के संयुक्त संचालक श्री रामलखन खरे, ओएसडी डॉ. मौसम मेहरा, सहायक संचालक श्री चंदन राय अऊ चिप्स (CHIPS) के वरिष्ठ सलाहकार श्री नीलेश सोनी सामिल हे। मुख्यमंत्री ह ए मन ल प्रशस्ति पत्र अऊ स्मृति चिन्ह प्रदान करके सम्मानित करिन।