मुख्यमंत्री ह भूमकाल दिवस म आदिवासी जननायक अमर शहीद गुंडाधुर ल करिस नमन

रायपुर, मुख्यमंत्री श्री भूपेश बघेल ह आज इहां अपन निवास कार्यालय म भूमकाल स्मृति दिवस म आदिवासी जननायक अमर शहीद गुंडाधुर के छायाचित्र म फूल चढ़ा के ओ मन ल नमन करिन। ये बेरा म मुख्यमंत्री के सलाहकार श्री विनोद वर्मा, छत्तीसगढ़ राज्य खनिज विकास निगम के अध्यक्ष श्री गिरीश देवांगन, संसदीय सचिव श्री यू. डी. मिंज, विधायक श्री गुलाब कमरो अऊ श्री देवेंद्र यादव घलोक उपस्थित रहिन। 
मुख्यमंत्री श्री बघेल ह कहिन कि आदिवासी मन के जल, जंगल अऊ जमीन बर अंगरेजी हुकूमत के खिलाफ विद्रोह के आगाज करइया नायक गुुंडाधुर के बलिदान हमेशा इतिहास म अमर रहिही। 10 फरवरी 1910 के बस्तर के आदिवासी मन ह अंग्रेज मन के खिलाफ आंदोलन के बिगुल फूंके रहिन। ये विरोध ल बुलंद करे म आदिवासी जननायक मन ह महत्वपूर्ण भूमिका निभाईन अऊ अपन सर्वस्व न्यौछावर कर दीन। इही जननायक मन म ले अमर शहीद गुुंडाधुर के अगुवाई म भूमकाल विद्रोह म आदिवासी मन ह सीमित संसाधन मन के बावजूद अंगरेजी हुकूमत के खिलाफ डटके संघर्ष करिन। उंखर सुरता म छत्तीसगढ़ म विशेष रूप ले प्राचीन दंडकारण्य क्षेत्र के स्थानीय मनखे हर साल भूमकाल दिवस मनाथें। आदिवासी चेतना के चिन्हारी के रूप म शहीद गुंडाधुर जनमानस म हमेशा जीवित रइहिं। उंखर सुरता म मनाए जाने वाला भूमकाल दिवस सदा हमला शोषण के विरूद्ध अवाज बुलंद करे के साहस देत रहिही।