सूरजपुर 09 अगस्त 2021 सम्मार। विश्व आदिवासी दिवस के बेरा म होवइया माननीय मुख्यमंत्री दाउ भूपेश बघेल जी के वर्चुअल कार्यक्रम म ग्राम सोनवाही सूरजपुर के व्यक्तिगत वन अधिकार मान्यता पत्रक हितग्राही श्री राम चलित मराबी ह मुख्यमंत्री दाउ भूपेश बघेल ल सोज्झे चर्चा करीन। उन मन बताइन कि 1.20 हेक्टेयर व्यक्तिगत वन अधिकार मान्यता पत्रक प्राप्त होय हे अउ येमे फेसिंग कार्य, मनरेगा ले कुकरी शेड, तालाब अउ कूआं निर्माण करे गे हवय। सोलर पंप अउ ड्रिप सिंचाई स्थापित हवय जेमा धान, गहूं, सब्जी भाजी अउ आने मौसमी फसल उत्पादन करे जाए के जानकारी दीन अउ एक लाख ले अधिक आमदनी प्राप्त कर लेहे के बात कहींन।
मुख्यमंत्री दाउ भूपेश बघेल ह चर्चा के बाद श्री रामचलित मराबी ल अउ अधिक परिश्रम करे बर हौसला अफजाई करीन। मुख्यमंत्री ले सोज्झे बात करे म उछाह अउ गरब महसूस करीन अउ शासन अउ प्रशासन के धन्यवाद ज्ञापित करीन अउ उत्साहित होवत ज्यादा परिश्रम करे के बात कहीन।