रायपुर, मुख्य सचिव श्री सुनील कुजूर के अध्यक्षता म आज इहां मंत्रालय महानदी भवन म पंचायत अऊ ग्रामीण विकास विभाग के राष्ट्रीय रूर्बन मिशन के 6वां राज्य स्तरीय सशक्त समिति के बैठक के आयोजन करे गीस। बैठक म वित्तीय साल 2020-21 के समय तीसर चरण के कार्ययोजना के चर्चा करे गीस।
राष्ट्रीय रूर्बन मिशन के शुरूवात 2015-16 म करे गए रहिस। हर एक साल के ये योजना के तहत चिन्हित ग्रामीण क्षेत्र मन म शहर के जइसे सुविधा देहे के योजना के संचालन करे जात हे। बैठक म अपर मुख्य सचिव पंचायत अऊ ग्रामीण विकास श्री आर.पी. मण्डल, अपर मुख्य सचिव कृषि श्री के.डी.पी. राव, प्रमुख सचिव कौशल विकास श्रीमती रेणु पिल्ले, सचिव राजस्व श्री एन.के.खाखा, सचिव आदिम जाति कल्याण विभाग श्री डी.डी. सिंह, विशेष सचिव शहरी विकास श्रीमती अलरमेल मंगई डी. संग जिला पंचायत मन के मुख्य कार्यपालन अधिकारी उपस्थित रहिन।