राजधानी के रहवासी मन निगम कार्यालय के सामने दिस धरना, वार्ड परिसीमन के करत हे विरोध,वार्ड के स्थिति यथावत रखे के मांग।

रायपुर। राजधानी के माधव राव सप्रे अउ ईश्वरी चरण शुक्ल वार्ड के रहवासी मन वार्ड परिसीमन के विरोध म शनिवार के नगर निगम कार्यालय के घेराव करिन. उंखर मन के आरोप हे कि जोन अध्यक्ष बनाये बर लोग मन ल परेशान करे जावत.
प्रदर्शन करत माधव राव सप्रे 69 अउ ईश्वरी चरण शुक्ल वार्ड क्रमांक 22 के लोग मन बताइन कि 8 ले 10 जोन करे म कोनो शिकायत नई हे, लेकिन माधवराव सप्रे वार्ड अउ ईश्वरी चरण शुक्ला वार्ड के जो दूरी बढाये गये हे, ओखर ले जनता ल बहुत ज्यादा परेशानी होही. हमन ऐखर विरोध करत हन. हम विरोध प्रदर्शन के माध्यम ले महापौर अउ निगम के अधिकारी मन ल अवगत कराये बर आये हन कि हमर वार्ड ल यथावत रखे जाए नई तो जनता के हित बर हम सब झन सड़क के लड़ाई लड़बो।