राजनांदगांव : गोधन न्याय योजना ले शहरी क्षेत्र म पशुपालक अउ स्वसहायता समूह के महिला मन होवत हे लाभान्वित

– कुल 01 करोड़ 80 लाख रूपिया के वर्मी अउ सुपर कम्पोस्ट के होइस बेचरी
– समूह के महिला मन ल  27 लाख 50 हजार रूपिया के मिलिस आर्थिक लाभांश
– ई-कॉमर्स कम्पनी अमेजन ले वर्मी कम्पोस्ट बेचे के पहल ल मिलिस बढ़िया प्रतिसाद
राजनांदगांव, शासन के गोधन न्याय योजना ले शहरी क्षेत्र के पशुपालक अउ स्वसहायता समूह के महिला मन होवत हे लाभान्वित। नगरीय निकाय क्षेत्र नगर पालिक निगम राजनांदगांव म गोधन न्याय योजना के तहत स्व-सहायता समूह कती ले 4 गौठान नवागांव, मोहारा, लखोली अउ रेवाडीह म गोबर खरीदी अउ वर्मी कम्पोस्ट निर्माण के बुता करे जाथ हे। सब गौठान कती ले अभी तक 2 रूपए प्रति किलो ले दर ले 161113.32 क्विंटल गोबर किसान अउ पशुपालक मन करा बिसाये गए हे। जेला 210 वर्मी टांका द्वारा खाद निर्माण के कार्य करे जाथ हे। किसान अउ पशुपालक मन ल गोबर बेचे ले आर्थिक लाभ मिलत हे। संग म महिला स्वसहायता समूह द्वारा 5939.77 क्विंटल वर्मी अउ 38233.62 क्विंटल सुपर कम्पोस्ट निर्माण कर अभी तक 5665.73 क्विंटल वर्मी अउ 20371.98 क्विंटल सुपर कम्पोस्ट कुल 01 करोड़ 80 लाख रूपिया के विक्रय करे हे। जेमा स्वसहायता समूह ल रोजगार अउ 27 लाख 50 हजार रूपिया के आर्थिक लाभांश मिले हे अउ वर्मी खाद के उपयोग ले फसल के उत्पादन अउ जैविक खेती म वृद्धि होवत हे।
वर्मी कम्पोस्ट के लाभ नागरिक मन ल दिये जाए ब हाट बाजार म वर्मी कम्पोस्ट बिक्री केन्द्र खोले गय हे अउ ऑनलाईन के माध्यम ले वर्मी खाद बिसाये ब ई-कॉमर्स कम्पनी अमेजन ले वर्मी विक्रय करे के पहल राजनांदगांव नगर निगम द्वारा करे गए हे। जेकर से बढ़िया प्रतिसाद मिलत हे । ई-कॉमर्स कम्पनी अमेजन के माध्यम ले अभी तक 62 हजार 950 रूपिया के वर्मी कम्पोस्ट बेचरी करे गय हे अउ राजनांदगांव के छोड़े दूसर राज्य के लोगन मन घलो अमेजन के माध्यम ले ऑनलाईन वर्मी कम्पोस्ट क्रय करे ब आर्डर करत हे। संग म डोर-टू-डोर कचरा संग्रहण करे वाली स्वच्छता दीदी मन घलो घर-घर जा के वर्मी खाद के प्रचार-प्रसार अउ विक्रय करत हे। निकाय क्षेत्र के जम्मो गौठान म खाद निर्माण के अलावा गोबर के लकड़ी, छेना, गमला, दीया, सुगंधित धूपबत्ती अउ गोबर के पेंट बनाय जाथ हे। ए सब जिनिस ह बेचरी ब सी-मार्ट म उपलब्ध हे।