राजनांदगांव म मुख्यमंत्री श्री बघेल के पहल म मनरेगा काम चालू

राजनांदगांव, 22 अप्रैल 2020। मुख्यमंत्री श्री भूपेश बघेल ह लॉकडाउन म ग्रामीण अर्थव्यवस्था ल मजबूत बनाए बर मनरेगा के काम ल प्राथमिकता से करे के हुकुम देहे हें। कोरोना महामारी के चलत महात्मा गांधी राष्ट्रीय रोजगार ग्रामीण योजना जिला म गांव वाले मन के आय के महत्वपूर्ण साधन हे। एखर माध्यम ले गांव वाले मन ल रोजगार उपलब्‍ध होवत हे। जेखर से ऊंखर जीवनयापन के कठिनाई मन दूर होवत हे।

कलेक्टर श्री जयप्रकाश मौर्य के मार्गदर्शन म मनरेगा के अंतर्गत अभी हाल म जिला के 812 ग्राम पंचायत मन म ले 766 ग्राम पंचायत मन म 3 हजार 855 काम चालू हो गे हे। जेमां एक लाख 34 हजार 973 श्रमिक काम करके लाभान्वित होवत हे। कार्य स्थल म कोरोना वायरस के संक्रमण ले बचाव बर सोशल डिस्टेसिंग के पालन करे जात हे। संगेच हाथ धोए बर साबुन के व्यवस्था घलोक करे गए हे। जिला पंचायत राजनांदगांव ले मिले जानकारी के मुताबिक मनरेगा के अंतर्गत अभी हाल म जिला के डोंगरगांव विकासखंड के 73 ग्राम पंचायत मन म 269 काम चलत हे जेमां 6 हजार 652 मजदूर काम करत हें। अइसनहे विकासखंड मोहला के 54 ग्राम पंचायत मन म 343 काम मन म 9 हजार 368 श्रमिक काम करत हे। विकासखंड छुईखदान के 104 ग्राम पंचायत मन म 509 काम चलत हे। इहां रोजेच 18 हजार श्रमिक काम करत हें। विकासखंड मानपुर के 56 ग्राम पंचायत मन म 340 काम संचालित हे। जेमां 10 हजार 406 श्रमिक मन ल लाभ मिलत हे। छुरिया विकासखंड के 110 ग्राम पंचायत मन म 416 काम चलत हे। जेमां 17 हजार 64 श्रमिक कार्यरत हें। विकासखंड अंबागढ़ चौकी के 69 ग्राम पंचायत मन म 343 काम संचालित हे। इहां 12 हजार 896 मजदूर काम करत हे। डोंगरगढ़ विकासखंड के 97 ग्राम पंचायत मन म 570 काम चलत हे। जेमां 14 हजार 264 मजदूर काम करत हे। खैरागढ़ विकासखंड के 101 ग्राम पंचायत मन म 555 काम संचालित हे। जेमा 24 हजार 978 श्रमिक काम करत हें। राजनांदगांव विकासखंड के 102 ग्राम पंचायत मन म 510 काम चलत हे। ये विकास खंड म 21 हजार 325 मजदूर काम करत हें।