राज्यपाल सुश्री उइके ले श्रीमती शताब्दी पाण्डेय के अगुवई म प्रतिनिधिमण्डल के सदस्य मन ह करिन मुलाकात

रायपुर, राज्यपाल सुश्री अनुसुईया उइके ले काली राजभवन म सहकार भारती के राष्ट्रीय महिला प्रमुख श्रीमती शताब्दी पाण्डेय के अगुवई म कई प्रतिनिधिमण्डल के सदस्य मन ह मुलाकात करिन। राज्यपाल सुश्री उइके ल सहकार भारती के प्रदेश अध्यक्ष ह कई ठन सांस्कृतिक, सामाजिक गतिविधि मन के संगेच संगठन कोति ले करे जात काम मन के जानकारी दीन। ये बेरा म मछुवारा प्रकोष्ठ के प्रदेश प्रमुख ह राज्यपाल सुश्री उइके ल नवा मछुवारा नीति के संबंध म जानकारी दीन अऊ कई ठन समस्या मन ले घलोक अवगत कराइन। वनबंधु परिषद् के महिला समिति ह घलोक राज्यपाल ले समिति ले जुड़े कई ठन विषय मन उपर चर्चा करिन। ये संगठन मन के संग महिला समन्वय अउ राष्ट्रीय सेविका समिति के घलोक सदस्य उपस्थित रहिन।