राज्य म अब तक 63.83 लाख मीटरिक टन ले जादा धान के खरीदी

रायपुर, समर्थन मूल्य म धान खरीदी के चालू सीजन म प्रदेश के 2484 धान उपार्जन केन्द्र मन म आज संझा तक 16 लाख 14 हजार 311 किसान मन ले 63 लाख 83 हजार 163 मीटरिक टन धान के खरीदी होए हे। मुख्यमंत्री श्री बघेल के पहल म ये साल धान खरीदी के संगे-संग कस्टम मिलिंग बर धान के तेजी ले उठाव घलोक होवत हे। विपणन संघ ह धान खरीदी के एवज म कृषक मन ल धान खरीदी के भुगतान बर 11 हजार 634 करोड़ 21 लाख रूपिया के राशि जारी कर देहे हे।
खाद्य विभाग के अधिकारी मन ह बताइन के समर्थन मूल्य म खरीदे गए 25 लाख 68 हजार 251 मीटरिक टन धान के डीओ जारी कर दे गए हे। उपार्जन केन्द्र मन ले मिलर्स मन 21 लाख मीटरिक धान के उठाव करे हे। अइसनहे अब तक 10 लाख 43 हजार मीटरिक टन धान के परिवहन बर टी.ओ. जारी करे गए हे। जेखर विरूद्ध समिति मन ले 5 लाख 50 हजार मीटरिक टन धान के उठाव कर ले गए हे। ये प्रकार डीओ अउ टीओ के माध्यम ले अब तक 26 लाख 50 हजार मीटरिक टन धान के उठाव हो गए हे।
राजनांदगांव जिला, प्रदेश म समर्थन मूल्य म 06 जनवरी तक धान खरीदी के मामला म पहिली स्थान म हे। राजनांदगांव जिला म 5 लाख 69 हजार 664 मीटरिक टन धान के खरीदी होए हे। उहें जांजगीर-चांपा जिला प्रदेश म धान खरीदी म दूसर पायदान म हे। जिला म 5 लाख 68 हजार 929 मीटरिक टन धान के खरीदी होए हे। बलौदाबाजार जिला धान खरीदी म आज राज्य म तीसर क्रम म हे। बलौदाबाजार जिला म 4 लाख 46 हजार 66 मीटरिक टन धान के खरीदी होए हे।
खाद्य विभाग ले मिले जानकारी के मुताबिक 06 जनवरी तक समर्थन मूल्य म राज्य के बस्तर जिला म 1,02,168 मीटरिक टन, बीजापुर जिला म 41,658 मीटरिक टन, दंतेवाड़ा जिला म 8,714 मीटरिक टन, कांकेर जिला म 2,01,123 मीटरिक टन, कोण्डागांव जिला म 1,00,166 मीटरिक टन, नारायणपुर जिला म 15,122 मीटरिक टन, सुकमा जिला म 25,099 मीटरिक टन, बिलासपुर जिला म 3,39,072 मीटरिक टन, गौरेला-पेण्ड्रा-मरवाही 43,741 मीटरिक टन, जांजगीर-चांपा जिला म 5,68,929 मीटरिक टन, कोरबा जिला म 91,229 मीटरिक टन, मुंगेली जिला म 2,67,098 मीटरिक टन, रायगढ़ जिला म 3,56,929 मीटरिक टन, बालोद जिला म 3,63,368 मीटरिक टन धान के खरीदी होए हे।
अइसनहे बेमेतरा जिला म 4,37,202 मीटरिक टन, दुर्ग जिला म 2,82,083 मीटरिक टन, कवर्धा जिला म 2,94,008 मीटरिक टन, राजनांदगांव जिला म 5,69,664 मीटरिक टन, बलौदाबाजार जिला म 4,46,066 मीटरिक टन, धमतरी जिला म 2,69,181 मीटरिक टन, गरियाबंद जिला म 2,23,376 मीटरिक टन, महासमुंद जिला म 4,45,695 मीटरिक टन, रायपुर जिला म 3,24,561 मीटरिक टन, बलरामपुर जिला म 1,06,768 मीटरिक टन, जशपुर जिला म 85,954 मीटरिक टन, कोरिया जिला म 79,708 मीटरिक टन, सरगुजा जिला म 1,28,564 मीटरिक टन अऊ सूरजपुर जिला म 1,65,919 मीटरिक टन धान के खरीदी होए हे।