रायगढ़ जिला के पढ़ईया लईका मन ह घलव सिनेमा घर म देखिन ‘गांधी’ फिलिम

रायगढ़, छत्तीसगढ़ शासन राज्य परियोजना कार्यालय पूर्ण शिक्षा रायपुर के निर्देश के मुताबिक रायगढ़ जिला म 20 ले 30 अगस्त 2022 तक सबो मॉल अऊ मल्टीप्लेक्स अऊ टॉकीज म बिहनिया 9 बजे ले 12.30 बजे तक रिचर्ड एटनबेरो के बनाए ऐतिहासिक गांधी फिल्म के नि:शुल्क प्रदर्शन करे जाना हे। जेखर तहत रायगढ़ जिला के गोपी टॉकीज अऊ ग्रांड माल म रिचर्ड एटनबरो के फिल्म ‘गांधी’ के नि:शुल्क प्रदर्शन करे गीस। गोपी टॉकीज म शासकीय उच्चतर माध्यमिक विद्यालय जूटमिल रायगढ़ के करीबन 150 लइका मन ह महात्मा गांधी उपर आधारित फिल्म गांधी के आनंद लीन।
ये बेरा म जिला शिक्षा अधिकारी अऊ विद्यालय के प्राचार्य, व्याख्याता अऊ शिक्षक उपस्थित रहिन। सबो मन ह पूरा उत्साह अऊ अनुशासन के संग फिल्म गांधी देखिन। ये बेरा म जिला शिक्षा अधिकारी श्री आर.पी.आदित्य, जिला मिशन समन्वयक श्री जे.के.राठौर, सहायक परियोजना अधिकारी, प्राचार्य श्री चंद्रा, बीआरसीसी श्री मनोज अग्रवाल, सीएसई मनोज पटेल, प्राचार्य श्री राजेश डेनियल, सीएसी श्री सुरेश पटेल, श्री जगत राम जाफरी संग कई विद्यालय मन के शिक्षक उपस्थित रहिन।