रायपुर: गरीब परिवार मन के बेटी मन के सहारा बनीस नोनी सुरक्षा योजना

नोनी सुरक्षा योजना

गरीब परिवार म जन्म लेवे वाले बेटी मन बर नोनी सुरक्षा योजना बड़े सहारा बनत हावय। ऐंखर ले परिवार के बेटी मन के भविष्य ला लेके चिंता दूर होईस हे। येन योजना के तहत गरीब परिवार के बेटी मन ला 18 वर्ष पूरा होये अउ 12वीं उत्तीर्ण होये म एक लाख रूपए प्रदान करे जात हे। ऐंखर खातिर जीवन बीमा निगम अउ महिला एवं बाल विकास विभाग के मध्य अनुबंध करे गेहे। नोनी सुरक्षा योजना के तहत राज्य सरकार ढांहर ले गरीब परिवार मन के पंजीकृत बालिका के नाम म भारतीय जीवन बीमा निगम म 05 वर्ष तक प्रति वर्ष 5 हजार रूपये अर्थात कुल 25 हजार रूपये जमा करे जात हे। योजना के तहत अब तक 76 हजार 477 बच्ची मन के पंजीयन करे गेहे। वर्ष 2021-22 म 11 हजार 765 बेटी मन के योजना के लाभ दे गेहे।
जनगणना वर्ष 2001 के आंकड़ा के अनुसार छत्तीसगढ़ म बाल लिंगानुपात प्रति हजार 975 रिहिस जेन जनगणना वर्ष 2011 म घटकर एक हजार के अनुपात म 969 होगे। ये प्रकार ले राज्य म घटत बाल लिंगानुपात अउ बालिका मन के प्रति समाज म सकारात्मक सोच बढ़ाये बर 01 अप्रैल 2014 ले ’’नोनी सुरक्षा योजना’’ लागू करे गेहे। योजना के मुख्य उद्देश्य प्रदेश भर म बालिका मन के शैक्षणिक अउ स्वास्थ्य के स्थिति म सुधार लावे बर हे , बालिका मन के अच्छा भविष्य के आधारशिला रखे के, बालिका भ्रुण हत्या रोके के अउ बालिका मन के जन्म के प्रति समाज म सकारात्मक सोच लावे अउ बाल विवाह के रोकथाम करे के हे।

महिला अउ बाल विकास विभाग सूरजपुर जिले म महिला अउ बाल विकास विभाग के ढांहर ले दे गीस जानकारी के अनुसार ले उंहा अभी तक 4193 बच्ची मन ला चिन्हंाकित कर ऑनलाईन एंट्री कर दे गेहे। ऐमे से 1032 बच्ची ला एलआईसी के द्वारा जारी बॉण्ड प्रदान करे गेहे। छत्तीसगढ़ सरकार के पहल नोनी सुरक्षा योजना लागू करे जाते लडकी मन के उज्जवल भविष्य के राह आसान हो गेहे हावय अउ बाल विवाह अउ कन्या भ्रुण हत्या के घटना मन म कमी आवत हावय।