मीडिया प्रतिनिधि मन ह जानिन निर्वाचन के बेरा मीडिया ले जुड़े कानून अऊ आचार संहिता के प्रावधान
भारत निर्वाचन आयोग कोति ले आम जनता बर तियार मोबाइल एप्स के संगेच ईवीएम अऊ वीवीपैट के बारे म घलोक देहे गीस जानकारी
मीडिया प्रतिनिधि मन ह लीन मतदान करे के शपथ
रायपुर, मुख्य निर्वाचन पदाधिकारी कार्यालय अऊ रायपुर प्रेस क्लब कोति ले आज मोतीबाग स्थित प्रेस क्लब म निर्वाचन अऊ मीडिया विसय म गोठ के आयोजन करे गीस। मुख्य निर्वाचन पदाधिकारी कार्यालय के अधिकारी मन ह कार्यक्रम म प्रिंट, इलेक्ट्रॉनिक अऊ सोशल मीडिया के प्रतिनिधि मन ल निर्वाचन के बेरा म मीडिया ले संबंधित कानून अऊ आदर्श आचार संहिता के कई ठन प्रावधा न मन के जानकारी दीन। संगेच ओ मन ल पेड न्यूज, मीडिया मॉनिटरिंग अउ एम.सी.एम.सी. के काम मन के बारे म विस्तार ले बताइन। मीडिया प्रतिनिधि मन ल सी-विजिल एप, वोटर हेल्पलाइन एप अऊ राष्ट्रीय शिकायत निवारण पोर्टल के बारे म घलोक जानकारी देहे गीस। प्रेस क्लब म इलेक्ट्रॉनिक वोटिंग मशीन अऊ वीवीपैट के प्रदर्शन करके मीडिया प्रतिनिधि मन ल एकर कार्यप्रणाली के बारे म घलोक अवगत कराये गीस। मुख्य निर्वाचन पदाधिकारी ह मीडिया प्रतिनिधि मन ल मतदान करे के शपथ घलोक देवाइन।
“size-full wp-image-15140 aligncenter” src=”https://hanka.gurturgoth.com/wp-content/uploads/2019/04/Raipur-Press-Club-2.jpg” alt=”” width=”525″ height=”300″ />जनसंपर्क विभाग के आयुक्त श्री तारन प्रकाश सिन्हा ह अपन संबोधन म कहिन कि निर्वाचन म मनखे मन के सहभागिता बढ़ाय अउ एखर निष्पक्षता, पारदर्शिता अउ पवित्रता स्थापित करे म मीडिया के महत्वपूर्ण भूमिका हे। अलग-अलग माध्यम मन म मीडिया सरलग विस्तारित होवत हे। एह सूचना ल मनखे मन तक पहुंचाना आसान बनाय हे। उमन आजादी के पहिली के प्रेस के काम मन के सुरता देवावत उंखर भूमिका ल रेखांकित घलोक करिन। श्री सिन्हा ह कहिन कि मीडिया के समाज म सशक्त अऊ सक्रिय भूमिका हे। लोकतंत्र ल सफल बनाए म मीडिया ले गंभीरता, निष्पक्षता अऊ जवाबदेही के अपेक्षा हे।
पूर्व राज्य निर्वाचन आयुक्त डॉ. सुशील त्रिवेदी अऊ वरिष्ठ पत्रकार श्री रमेश नैय्यर ह घलोक निर्वाचन अऊ मीडिया विसय म अपन विचार व्यक्त करिन। डॉ. त्रिवेदी ह कहिन कि आदर्श आचार संहिता के प्रभावी रहे के समय मीडिया प्रतिनिधि मन ल लोकप्रतिनिधित्व अधिनियम-1951 अऊ भारत निर्वाचन आयोग कोति ले जारी करे गए दिशा-निर्देश मन के दायरा म काम करना चाही। श्री नैय्यर ह कहिन कि भारत निर्वाचन आयोग सरलग निष्पक्ष अऊ पारदर्शी ढंग ले निर्वाचन प्रक्रिया संपन्न करावत हे। हमर निर्वाचन व्यवस्था अब अतका पोठ हो गए हे कि तीर-तखार के देश हमर से सीखत हें अऊ हमर नकल करत हें।
प्रेस क्लब म उप मुख्य निर्वाचन पदाधिकारी श्री श्रीकांत वर्मा ह आदर्श आचार संहिता, श्री उज्जवल पोरवाल ह वोटर हेल्पलाइन एप अउ राष्ट्रीय शिकायत निवारण पोर्टल, सहायक मुख्य निर्वाचन पदाधिकारी श्री रूपेश वर्मा ह सी-विजिल एप, श्री पुलक भट्टाचार्य ह ईवीएम व वीवीपैट, श्रीमती शारदा अग्रवाल ह पेड न्यूज अऊ एम.सी.एम.सी. के काम मन अउ सोशल मीडिया प्रभारी श्री विकास शर्मा ह सोशल मीडिया मॉनिटरिंग के बारे म जानकारी दीन। ए दौरान अकतहा मुख्य निर्वाचन पदाधिकारी डॉ. एस. भारतीदासन, संयुक्त मुख्य निर्वाचन पदाधिकारी श्री समीर विश्नोई, श्रीमती पद्मिनी भोई साहू अउ डॉ. के.आर.आर. सिंह, उप मुख्य निर्वाचन पदाधिकारी श्री यू.एस. अग्रवाल, मतदाता जागरूकता फोरम के नोडल अधिकारी श्री प्रशांत पाण्डेय, जनसंपर्क विभाग के संयुक्त सचिव श्री उमेश मिश्र, रायपुर प्रेस क्लब के अध्यक्ष श्री दामू अंबाडारे अऊ कोषाध्यक्ष सुश्री शगुफ्ता शिरीन संग कई ठन मीडिया संस्थान के प्रतिनिधि बड़ संख्या म मौजूद रहिन।